❤️❤️❤️ରଜ❤️❤️❤️
💕💕💕@SB💕💕💕
ଓଡିଶା ର ପୁଣି ଓଡ଼ିଆ ମାନଙ୍କ,
ଅତି ପ୍ରିୟ ପର୍ବ ରଜ ।
ପ୍ରେମ,ମୈତ୍ରୀ ଭାବ ନେଇଆସିଅଛି,
ହୋଇଣ ସେ ସଜବାଜ ।।
ଓଡ଼ିଆ ଙ୍କ ଘରେ ପିଠାପଣା ଆଜି,
କୁମାରୀ ମାନଙ୍କ ମେଳି ।
ଅଭିଆଡି ଝିଅ ମାନେ ଖେଳୁଥାନ୍ତି,
ପୁଚି ସଙ୍ଗେ ରଜ ଦୋଳି ।।
ଚକୁଳି,ଆରିସା,କାକରା ସାଙ୍ଗରେ,
ପୋଡ ପିଠା ଖଣ୍ଡେ ଖାଇ ।
ରଜ ପରବ ରେ ମଉଜ କରନ୍ତି,
ସଭିଏଁ ଆନନ୍ଦ ହୋଇ ।।
ରଜ ପାନ ସତେ ଭାରି ସୁଆଦିଆ,
ପ୍ରେମ ର ବାରତା ଦିଏ ।
ସେଇ ପାନ ଖାଇ ମଉଜ କରନ୍ତି,
ବୁଢା ଠାରୁ ବୁଢ଼ୀ ଯାଏଁ ।।
ଆମ୍ବ,ବରଗଛ ରଜ ଦୋଳି ପାଖେ,
ତରୁଣ ଙ୍କ ତାସ ଖେଳ ।
ଲୁଡୁ ପାଲି ସଙ୍ଗେ ବାଗୁଡି ଖେଳନ୍ତି,
ପିଲାଏ ହୋଇଣ ମେଳ ।।
ରଜ ତିନିଦିନ କଟା ବଟା କାର୍ଯ୍ୟ,
କୁମାରୀ କରନ୍ତି ନାହିଁ ।
ବସୁମତୀ ମାତା ବିଶ୍ରାମ ନିଅନ୍ତି,
ରଜସ୍ୱଳା ନିଜେ ହୋଇ ।।
କୃଷି କାର୍ଯ୍ୟ ବନ୍ଦ କରିଣ କୃଷକ,
ବସୁମତୀ ପୂଜା ପାଇଁ ।
ରଜ ପରବ ପାଳନ କରନ୍ତି,
ଆନନ୍ଦ ଉଲ୍ଲାସ ହୋଇ ।।
ଆଷାଢ଼ ପହିଲି ବରଷା ସାଙ୍ଗରେ,
ମାଟିର ମିଳନ ଘଟି ।
ନୂତନ ଶସ୍ୟ କୁ ଜନ୍ମ ଦେବାପାଇଁ,
ପ୍ରସ୍ତୁତ ହୁଅଇ ମାଟି ।।
ରଜ ସରୁ ସରୁ କ୍ଷେତ କୁ ପ୍ରସ୍ତୁତ,
କରିଣ କୃଷକ ଭାଇ ।
ବୀଜ କୁ ରୋପଣ କରିଦିଏ ସିଏ,
ନୂତନ ଫସଲ ପାଇଁ ।।
🙏🙏🙏ଧନ୍ୟବାଦ🙏🙏🙏
✍️ସୁମନ୍ତ ବେହେରା✍️
🏠ହତାପୁର,ଗଞ୍ଜାମ🏠
No comments:
Post a Comment