"ରାକ୍ଷୀ"*
******************************
ବାର ମାସେ ତେର ପରବ ଆମର
ଓଡ଼ିଆ ସଂସ୍କୃତି ପରା
ଶ୍ରାବଣ ମାସର ପୂର୍ଣ୍ଣିମା ତିଥିରେ
ରାକ୍ଷୀ କରେ ଆତ୍ମହରା ।
ବରଷ କୁ ଥରେ ଏ ତିଥି ପଡଇ
ଭଉଣୀ ପୁଜେ ଭାଇକୁ
ଶୁଭ ମନାସିଣ ଦୀର୍ଘାୟୁ କାମନା
କରି, ଡାକେ ଠାକୁର ଙ୍କୁ ।
ଚନ୍ଦନ,ସିନ୍ଦୁର, ଫୁଲ,ଅରୁଆ ରେ
ଅର୍ଘ୍ୟଥାଳି ଟିଏ ଧରି
ବାନ୍ଧି ଦିଏ ରାକ୍ଷୀ ଭାଇ'ର ହାତରେ
ଆଶା ଓ ବିଶ୍ୱାସ କରି ।
ରାକ୍ଷୀ ବାନ୍ଧି ଦେଲି ରଖିବ ମୋ ମାନ
ସ୍ନେହ ଶ୍ରଦ୍ଧା ରଖିଥିବ
ଆପଦେ ବିପଦେ ସାହା ହେଉଥିବ
ମୋ ପାଖରେ ଠିଆ ହେବ ।
ଗୋଟେ ମାଆ ଗର୍ଭୁ ଜନମ ଆମର
ଆମେ'ତ ଭଉଣୀ ଭାଇ
ଯିଏ ଯେତେଦୁରେ ଥିଲେ ବି ଆମେ'ତ
ବଞ୍ଚିଥିବା ସ୍ନେହ ପାଇଁ ।
ପ୍ରାର୍ଥନା କରୁଛି ତୁମ ମୁଁହ ଦେଖି
ଠାକୁର ଙ୍କ ନାମ ଡାକି
ଭାଇ ଙ୍କୁ ତ ମୋର ଦୀର୍ଘାୟୁ କର'ହେ
ଦିନ କଟୁ ହସି ହସି ।
ରାକ୍ଷୀ ପୂର୍ଣ୍ଣିମା'ର ହସ ଖୁସି ଏବେ
ଏବର୍ଷ ଆଉ'ତ ନାହିଁ
କୋରନା ଭୟରେ ପଡି ଅଛି ଫିକା
ରାକ୍ଷୀ'ର ତ ଦେଖା ନାହିଁ ।
ସହଜେ ଭାଇ ମୋ ସୁରାଟ ଯାଇଣ
ଦାଦନ ଖଟୁଛି ଏବେ
ଲକଡାଉନ ରେ ଟ୍ରେନ,ବସ ସବୁ
ବାତିଲ ହୋଇଛି ଯେବେ ।
ଡାକ'ରେ ଦେଲେ ବି ମିଳିବନି ରାକ୍ଷୀ
ଡ଼ାକ ରେ ଯାଉନି କିଛି
ଡାକ ବାଲା ସେତ କୋରନା ଭୟରେ
କାଟି ତ ଦେଇଛି ଛୁଟି ।
ନ'ହେଲା ନାହିଁ ତ ରାକ୍ଷୀ ବନ୍ଧା ଯେବେ
ମନ ରେ ମୋ ଦୁଃଖ ଥାଉ
ମୋ ଭାଇ ଙ୍କୁ ପ୍ରଭୁ ଘଣ୍ଟ ଘୋଡାଇଣ
ରଖ ଆହେ ମହାବାହୁ ।
******************************
ଅଧ୍ୟାପକ ସୁବାସ ଚନ୍ଦ୍ର ସାହୁ
ଗ୍ରା/ପୋ-ପଦ୍ମପୁର,ଜିଲ୍ଲା-ରାୟଗଡା
ମୋବାଇଲ-9437771099
******************************
No comments:
Post a Comment