କୃଷକ - ଡଃ ପଦ୍ମଲୋଚନ ରାଉତ , ମାଲକାନଗିରି

     କୃଷକ

--  --------=

କୃଷକ ଭାଇ ରେ କୃଷକ ଭାଇ 

ତୋ ସମ କିଏ ଜଗତେ କାହିଁ 

ଖରା ବରଷାକୁ ନାହିଁ ତୋ ଡର 

ଯୋଗାଉଛୁ ତୁହି ବିଶ୍ୱେ ଆହାର   l 

ବଡି ଭୋରରୁ ଉଠି ସଅଳ 

କ୍ଷେତେ ଧରି ଯାଉ ହଳ ଲଙ୍ଗଳ 

ବୈଶାଖ ଖରାରେ ବୁଲାଇ ହଳ 

ଫଳାଉ କ୍ଷେତରେ ସୁନା ଫସଲ  l

ବୈଶାଖ ମାସର ଧୁ -ଧୁ  ଖରା 

ଆଷାଢ଼ ମାସର ବରଷାଧାରା 

ମାଘ ମାସର ବାଘୁଆ ଶୀତ 

ହସୁ ଥାଏ ତୋର ସୁନାର କ୍ଷେତ   l

ତୁହି ଅନ୍ନଦାତା ଜଗତ ଜାଣେ 

ସବୁଜ କ୍ଷେତ ତୋ ପ୍ରଗତି ଆଣେ 

ରାଷ୍ଟ୍ରର ସମୃଦ୍ଧି ତୋରି ପାଇଁ 

ଦୁଃଖ କଷ୍ଟ ତୋର ତୁଳନା ନାହିଁ  l

ହାଡ଼ ଭଙ୍ଗା ଶ୍ରମ କରି କ୍ଷେତରେ 

ଜୀବନଟା ତୋର ମିଶେ ମାଟିରେ 

ପଖାଳ କଂସା ତୋ ଜୀବନ ସାଥୀ 

କାହିଁକି ଆଜି ତୁ ସଂସାରେ ଦୁଃଖୀ ? 

ଭୋକ ଉପାସରେ କଟୁଛି ଦିନ 

ଇନ୍ଦିରା ଆବାସ ସାତ ସପନ 

ମିଳୁ ନାହିଁ ଆଜି ଫସଲ ମୁଲ 

କିଏ ହେବ ତୋର ସଙ୍ଗରେ ତୁଲ ? 

ପ୍ରତି ବର୍ଷ ଆସେ ମରୁଡି ବଢ଼ି 

କୃଷି କ୍ଷେତ ତୋର ଯାଏ ଉଜୁଡି 

ଆଖିରୁ ତୋର ଝରଇ ଲୁହ 

ପଚାରୁଛି ବାରେ ଜବାବ ଦିଅ   !

କୃଷକ ଭାଇରେ କୃଷକ ଭାଇ 

ସକଳ ଠୁଁ ସଞ୍ଜ କ୍ଷେତକୁ ଧାଇଁ 

କିଂପାଇଁ ତୋର ଘୁଁଞ୍ଚିନି ଦୁଃଖ 

ଚାଷ କାମେ ଅଛି ଅପାର ଦୁଃଖ ? 

    ++

ଡଃ ପଦ୍ମଲୋଚନ ରାଉତ 

କାଲିମେଳା, ମାଲକାନଗିରି l