“ରଜ ମଉଜ”
*******************************
ବରଷ ଅନ୍ତରେ ଆସିଛି ରଜ ଆସ ହେବା ସଜବାଜ।
ଦେହରେ ହଳଦୀ,ହାତରେ ମେହେନ୍ଦି
ସରାଗେ ଘେନିବା ଆଜ।।
ପାଦ ଧାରେ ଦେଇ ସରୁ ଅଳତା ଲୋ ମଥାରେ ମଣ୍ଡି କୁଙ୍କୁମ।
ଆସ ଗୋ ସହିଲି ଖେଳିବା ରଜ ଦୋଳି,ପୁଞ୍ଚି ଆଉ କ୍ଯାରମ ।।
ସରାଗେ କରିଛି ବୋଉ ଆମ ପାଇଁ ଅରିଶା, କାକରା, ମଣ୍ଡା ।
ଯନ୍ତିଛି ଯତନେ ପୋଡ଼ପିଠା କେତେ କାଟି ଖାଅ ମୁଣ୍ଡା ମୁଣ୍ଡା ।।
ଦୋଳି ଝୁଲଣରେ ସଜେଇ ଝୁଲିବା ଗାଇଗାଇ ରଜ ଗୀତ।
ମେଳି ମେଳି ହୋଇ ଖେଳିବା ସଭିଏଁ ଆସଲୋ ବଉଳ ମିତ ।।
ଖିଲିପାନ ଖାଇ ସାଙ୍ଗସାଥୀ ହୋଇ କରିବା ଆଜି ମଉଜ।
ଘରେ ଘରେ ଲୁଡୁ,ତାସପାଲିରେ ମଜ୍ଜିଛନ୍ତି ନୂଆ ଭାଉଜ।।
~~~~~~~~~~~~~~~~~~~~~~~
ବିଶ୍ବଜିତା ବରାଳ (ଆଚାର୍ଯା)
ସ.ଶି.ବି.ମ. ଛତ୍ରପୁର, ଗଞ୍ଜାମ।
No comments:
Post a Comment