*କୃଷକ*
ସୀମାନ୍ତରେ ସିନା ଜବାନ ଜଗଇ
ଦେଶର ଧନ ଜୀବନ
ରକ୍ତକୁ ନିଗାଡି ଅନ୍ନଦାତା ସାଜେ
ନାଁଟି ତାର କିଷାନ ।
ଭୂଗର୍ଭରେ ସିଏ ସୁନା ଯେ ଫଳାଏ
ଲଙ୍ଗଳ କୁ ସାଥି କରି
ମୂଲ୍ୟବୋଧ ତାର ବୁଝିକି ପାରିବ
ଏ/ସି ରେ ଥିବା ସହରି ।
ଝାଞ୍ଜିର ତାତି, କି କୁଆପଥର
ଅବା ହାଡ଼ଭଙ୍ଗା ଶୀତ
ପିଠିକୁ ଚଟାଣ ସଜେଇ ଦେଇଛି
ସାକ୍ଷୀ ଏକା ପାଳଭୁତ ।
ବନ୍ୟା କି ମରୁଡି ଅବା ପଙ୍ଗପାଳ
ବିପର୍ଯ୍ୟୟ ପ୍ରକୃତିର
ଆତ୍ମହତ୍ୟାର ଯେ କାରଣ ସାଜିଛି
ଆଜି ଏହି କୃଷକର ।
ଛୁଇଁ ପାରିନାହିଁ ସାହାଯ୍ୟର ହାତ
ଶାସକ ଯେ ବାଟବଣା
କର୍ତ୍ତବ୍ୟରେ କେବେ ହେଳା କରିନାହିଁ
କରିନାହିଁ ମନ ଉଣା ।
ସ୍ଵାର୍ଥାନ୍ଧେ ମନୁଷ୍ୟ ଦେଖିପାରୁ ନାହିଁ
ଅନ୍ଧକାର ଭବିଷ୍ୟତ
ଠିଆ କରୁଅଛି ସ୍ଵଚାଷ ଜମିରେ
ଉଚ୍ଚ ଅଟ୍ଟାଳିକା ଛାତ।
ବିଡାବିଡା ଟଙ୍କା ଥାଇ କିବା ଲାଭ
ନାହିଁ ଯଦି ଏ କୃଷକ
ଗାନ୍ଧୀ ମୁଣ୍ଡ ନୁହେଁ ଚାଷୀ ଭାଇଟିଏ
ବୁଝିଥାଏ ପେଟ ଭୋକ।
ହିନ୍ୟମନା ଆଜି କୃଷକ ଭାଇଟେ
ଚାକଚକ୍ୟ ଦୁନିଆରେ
ତୋଳୁଥାଏ ବୋଲି ସୁନାର ଭାରତ
ଏହି ପଙ୍କ କାଦୁଅରେ ।
ଠିକଣା : ପ୍ରହଲ୍ଲାଦ ବେହେରା
ବାଲିପାଟଣା, ଖୋର୍ଦ୍ଧା(୭୫୨୧୦୨)
ଫୋନ୍ ନଂ - ୯୩୪୮୩୨୯୭୮୯
ତା- ୦୨/୦୮/୨୦୨୦
No comments:
Post a Comment