କୃଷକ - କାମାକ୍ଷା ପ୍ରସାଦ ସାମଲ , ଢେଙ୍କାନାଳ

               କୃଷକ
ବଡ ଯାଦୁକର     ମାଟି କାରିଗର
       କୃଷକ ଆମ ଦେଶର l
ହାତରେ ତାହାର       ବିବିଧ ମନ୍ତର
      ଧରାକୁ ଗଢେ  ସୁନ୍ଦର ll
ମୁଣ୍ଡରେ ଟୋପର    ହସ୍ତରେ ପାଞ୍ଚଣ 
        ଯନ୍ତର ହଳ ଲଙ୍ଗଳ l
ମହାନ ସାଧକ      ଭୂମିର ପୂଜାରୀ
      କ୍ଷେତ ଐଶ୍ୱର୍ଯ୍ୟ ମନ୍ଦିର ll
ଉଠଇ ସଅଳ         ନକରି କାତର
       ନିତ୍ୟ କ୍ଷେତରେ ହାଜର l
ମନରେ ନଥାଏ       ସର୍ବଦା  ବିକାର
       ଦିଶୁଥାଏ ମନୋହର ll
ଖରା ବର୍ଷା ଶୀତେ    ନହୋଇ ବ୍ୟଥିତ
      କର୍ମେ  ସଦା ବ୍ୟତିବ୍ୟସ୍ତ l
ବିଲରେ ମଜଇ            ନିଜକୁ ହଜାଇ
   ଖଟେ ବିଲେ ନିତି ସୂର୍ଯ୍ୟାସ୍ତ ll
ତପନ ପ୍ରଖରେ           ଶରୀରୁ ରୁଧିର
      ସ୍ବେଦ ପ୍ରାୟକେ  ବାହାରେ l
ସାଧନାର ପଥେ            ନିସ୍ଵାର୍ଥ ଚିତେ
      କର୍ମକୁ ନିଜେ ଆଦରେ ll
ଋଷି ପାଇଥାଏ          ସାଧନାର ଫଳ
       ଜୀବନର ଶେଷ ଅନ୍ତେ l
କୃଷକ ଜୀବନେ         ସାଧନାର ଫଳ
      ପାଏ ସେ ପ୍ରତି ମୁହୂର୍ତ୍ତେ  ll
ସାଧନାର ଫଳ         ଅତି ନିରିମଳ
       ସେବନ୍ତି ସାରା ଜଗତ l
ଜୀବନ ଧାରନ୍ତି          ସକଳ ସଜୀବ
      ଫସଲ ଖାଦନ୍ତି  ନିତ୍ୟ ll
କଙ୍କାଳ ମାନବ        ନିଜକୁ ସଜାଇ
       ପରର ସ୍ୱାର୍ଥରେ ବ୍ୟସ୍ତ l
ନାହିଁ ତାର ଘର        ନାହିଁ ତାର ଦ୍ୱାରା
      ଖୁକୁଡ଼ି କୁଡ଼ିଆ ନ୍ୟସ୍ତ ll
ସରଳ ଜୀବନେ           ନିଜକୁ ଆଦରି
        ଜଗତ କାର୍ଯ୍ୟରେ ଵ୍ୟସ୍ତ l
ପାଳୁଛି ସଂସାରେ    କେତେ ମନୋହରେ
     ସାଜିଦେଶେ ମହାନାୟକ ll
ଦେଶର ସନ୍ତାନ          ଜାତିର ମହାନ
      ଧନ୍ୟଧନ୍ୟ ସେ  କୃଷକ l
ଜଗତରେ ଶ୍ରେଷ୍ଠ          ଗୌରବ ମଣ୍ଡିତ
       ତାକୀର୍ତ୍ତି ବିଶ୍ୱରେ ଶ୍ରେଷ୍ଠ ll

.........................
କାମାକ୍ଷା ପ୍ରସାଦ ସାମଲ
ନୂଆ
ଢେଙ୍କାନାଳ
7735751752