କୃଷକ
ମାଟିର ମହକ ଫୁଲରେ ବାସେ,
କୃଷକର ଶ୍ରମ କ୍ଷେତରେ ହସେ ।
ମାଟି ମାଆର ସେବାରେ ଥାଏ ,
ଶସ୍ୟ ନାଁରେ ସୁନା ଫଳାଏ । ମାଟିର ମଣିଷ ମାଟିରେ ବଞ୍ଚେ ,
ବରଷା ନ ହୋଇଲେ ଅଶ୍ରୁ ସେ ସିଞ୍ଚେ ।
ଖାଲି ପେଟରେ ଓଦା କନା ଯେ ଦିଏ ,
ଜଗତ ଲୋକର ପେଟ ସେ ପୁରାଏ ।
ଜୀବନ ଖେଳରେ ଖେଳ ସେ ଶିଖି
ଜିତିଗଲେ ହସିଦେଇଛି ,
ହାରିଗଲେ ଜୀବନ ଦେଇଛି ।
ମଣିଷ ହେଇ ଜନ୍ମ ହେଇଛି
କର୍ମ କରି ଦେବତା ସାଜିଛି ।
ଯୋଜନା ଉପରେ ଯୋଜନା ଆସିଛି
ତାର କଣ ଲାଭ ହେଲା କିଏ ପଚାରିଛି ।
ଦେଶର ମେରୁଦଣ୍ଡ ଯେ କହିଲ
ଋଣର ବୋଝରେ ହାଡ଼ ଭାଙ୍ଗିଦେଲ ।
ଫସଲ ହସିଲେ ନିଶ୍ୱାସ ମାରିବ ,
ଫସଲ ଶୁଖିଲେ ନିଶ୍ୱାସ ଛାଡ଼ିବ ।
ଋଣର ବୋଝରେ ସେ ମାଟିରେ ମିଶିବ ,
ମଣିଷ ନ ଜାଣିବ ଦୁଃଖ
ଭଗବାନଙ୍କୁ ଯାଇ କହିବ ।
ଜଗତକୁ ହସାଇ ପାରେ ସେ ,
ଆକାଶକୁ କହିଥାଏ ଟିକେ କାନ୍ଦିଦେ ।
ମୁଣ୍ଡର ଝାଳ ତୁଣ୍ଡରେ ମାରେ ,
ଅଭାବରେ କେବେ ଭାଙ୍ଗି ନ ପଡ଼େ ।
ସୂର୍ଯ୍ୟଙ୍କ ସମ
କାମ କରୁଥାଏ ଦିନ ତମାମ ।
ଆଖି ବନ୍ଦ କରି କରେ ପ୍ରାର୍ଥନା ,
ବରଷା ହୋଇଲା ଇନ୍ଦ୍ରଙ୍କ ତଥାସ୍ତୁ କାମନା ।
.....................💐...................
ନାମ : ରଚନା ରଥ
ଗ୍ରାମ : ଗୁମୁଡ଼ା , ଜିଲ୍ଲା : ରାୟଗଡ଼ା
No comments:
Post a Comment