------ ରାକ୍ଷୀ -----
ଏ ନୁହେଁ ମାମୁଲି ସୂତା ଖିଅ ବନ୍ଧୁ
ଅଟେ ତ ଭାବର ବନ୍ଧନ ,
ଭାଇ ଭଉଣୀର ସେନେହ ସଂପର୍କେ
ଯୋଗାଏ ପ୍ରେମର ଇନ୍ଧନ ॥
ବରଷକେ ଥରେ ଆସେ ଏ ପରବ
ଆଷାଢ ପୂର୍ଣ୍ଣିମା ଦିନ ,
ଥିଲା,ଅଛି ଆଉ ଆଗକୁ ରହିବ
ଅମ୍ଳାନ ହୋଇ ତା ଚିହ୍ନ ॥
ଖ୍ଯାତ ଅଛି ବି ତ ଏ ଦିନଟି ସତେ
ଗହ୍ମା ପୁନେଇଁ ବୋଲି ,
ଶୁଦ୍ଧ ପରମ୍ପରା ସେ ଗୋ ମାତା ପୂଜନ
ଆସୁଛି କେଉଁ କାଳୁ ଚଳି ॥
କେଡେ ସରାଗରେ ଭଉଣୀଟି ସତେ
ଭାଇ ହାତେ ବାନ୍ଧେ ରାକ୍ଷୀ ,
ଦୀପଟିଏ ଜାଳି ଭାଇର ସମ୍ମୁଖେ
ଧର୍ମକୁ ରଖଇ ସାକ୍ଷୀ ॥
ଭାଇର ଲଲାଟେ ସିନ୍ଦୂର ଲଗେଇ
ଭଉଣୀ ମନାସେ ତା ଶୁଭ ,
ଦୀର୍ଘାୟୁ କାମନା କରି ସେ ଭାଇର
ଶିରେ ଦିଏ ତାର ଅରୁଆ ଚାଉଳ ଦୂବ ॥
ଭାଇଠୁ ପାଉଣା ପାଇଣ ଭଉଣୀ
ହସି ଦିଏ ଆହା ଯେବେ ,
ଭାଇ ଭଉଣୀର ସଂପର୍କ ତରୁରେ
ଫୁଲ କସି ଧରେ ତେବେ ॥
ପୁରାଣରେ ଆଉ ଇତିହାସେ କେତେ
ଲେଖା ଅଛି ରାକ୍ଷୀ କଥା ,
ସ୍ନେହ,ପ୍ରେମ,ପ୍ରୀତି ନିଦର୍ଶନର ତ
ଉଜ୍ଜଳମୟ ସେ ଗାଥା ॥
ଯେଉଁ ବିଶ୍ବାସରେ ବାନ୍ଧିଛୁ ଲୋ ତୁ
ମୋ ହାତରେ ରାକ୍ଷୀଟିଏ ,
ସୁରକ୍ଷା କରିବି କରୁଛି ଶପଥ
ଏ ଜୀବନ ଥିବା ଯାଏ ॥
××××××××××××××××××××××××
ଯୁବରାଜ କୁଦେଇ
ଇଛାପୁର,ଡୁଙ୍ଗୁରିପାଲି,ସୋନପୁର
ମୋ‐ ୯୯୩୮୮୧୩୭୦୬
‐ ୭୯୭୮୭୧୯୫୬୩
××××××××××××××××××××××××
No comments:
Post a Comment