ରାକ୍ଷୀ - ଭୀଷ୍ମଦେବ ମେହେର , ବରଗଡ଼

       ---- ରାକ୍ଷୀ ------

ଜନମ ହୋଇଲୁ  ସରୁ ସୂତା ଠାରୁ
ନାଆଁଟି ତୋହର ରାକ୍ଷୀ,
ଭାଇ ଭଉଣୀର   ରାକ୍ଷୀ ବନ୍ଧନରେ
ଅଟଇ ତୁ ମୁକ ସାକ୍ଷୀ     | (1)

ଭାରତ ବର୍ଷରେ   ପୁରାଣ ଶାସ୍ତ୍ରରେ
ଯୁଗେ ଯୁଗେ ପରା ସାକ୍ଷୀ,
ହିନ୍ଦୁ ମାନଙ୍କର     ପବିତ୍ର ବନ୍ଧନ
ଇତିହାସେ  ଅଛୁ  ରାକ୍ଷୀ    | (2)

ଉତ୍କଲର ପର୍ବ   ଜଗତେ ପ୍ରସିଦ୍ଧ
ଅଟଇ  ପୁରୀ  ଶ୍ରୀ  କ୍ଷେତ୍ର,
ସୁଭଦ୍ରା ଭଉଣୀ   ରାକ୍ଷୀ ବାନ୍ଧିଥିଲେ
ବଲରାମ   ଜଗନ୍ନାଥ     |  (3)

ରାକ୍ଷୀ ବାନ୍ଧଥିଲେ ପୃଥିବୀ ମାଆ ଯେ
ଚନ୍ଦ୍ରକୁ ବୋଇଲେ  ଭାଇ,
ମାଆର ଭାଇକୁ  ଆମେ କହିଥାଉ
ମାମୁଁ ପରା ଅଟେ ସେହି    | (4)

ଶିଶୁ ପାଲ ବଧ  କରିଣ ଶ୍ରୀ କୃଷ୍ଣ
ଚକ୍ର ଫେରିଥିଲା  ହାତେ,
କୃଷ୍ଣ ହାତ,କ୍ଷତ ଦେଖିଣ ଦୌପଦୀ
ରାକ୍ଷୀ ବାନ୍ଧିଲେ  ପଣତେ   |(5)

ପାତାଲ ପୁରରେ  ବଲି ଯେ ଥାଇଣ
ବିଷ୍ଣୁଙ୍କୁ କଲେ ପ୍ରସନ୍ନ,
ଲକ୍ଷ୍ମୀ ଦେବୀ ରାକ୍ଷୀ   ବଲିଙ୍କୁ ବାନ୍ଧିଣ
ସ୍ବାମି ଙ୍କୁ  ପାଇ  ଉଚ୍ଛନ୍ନ    | (6)

ମୋଗଲ ସମ୍ରାଟ   ହୁମାଯୁନ ଙ୍କର
ହାତରେ  ରହିଛି  ରାକ୍ଷୀ,
ରାଣୀ କର୍ଣ୍ଣାବତୀ  ରାକ୍ଷୀ ବାନ୍ଧି ଥିଲେ
ଇତିହାସ ପରା   ସାକ୍ଷୀ      |(7)

ତୁହିଁ ପରା ରାକ୍ଷୀ  ସଭିଙ୍କ ଆଦର
ଲାଗି ଥାଉ  ସଂକଳ୍ପରେ,
ଗୋ ମାତା ଠାରୁ ଯେ ଧାନବିଲ ଯାଏ
କଳ୍ପନା   ଥାଏ  ମନରେ       |(8)

ଭାଇ ଭଉଣୀର     ଅତୁଟ  ବନ୍ଧନ
ଅଟଇ  ପରାତୁ  ରାକ୍ଷୀ,
ଭାଇର ଜୀବନ   ସୁରକ୍ଷା କରିବୁ
ଦେଉଅଛି  ତୋତେ ସାକ୍ଷୀ   |(9)

ଓଡିଆ ଜାତିର   ରାକ୍ଷୀ ପୁନି ପର୍ବ
ବରଷକୁ  ଥରେ  ଆସେ,
ରାକ୍ଷୀର ସମ୍ପର୍କ  ରକ୍ଷାର କବଚ
ଦେଇଥାଉ ଆମ ପାଶେ     |(10)

ସ୍ନେହ ମମତାର   ପବିତ୍ର  ବନ୍ଧନ
ଯୁଗେ ଯୁଗେ  ରହିଥାଉ,
ଭାଇ ହାତେ ରାକ୍ଷୀ ବାନ୍ଧିଣ ଭଉଣୀ
ସଂସ୍କୃତି  ଯେ  ବନ୍ଚିଥାଉ     | (11)

ଧନରେ, ମୋ ଧନ, ଜୀବର ଜୀବନ
ଆଜି ପରା  ରାକ୍ଷୀ ଦିନ,
ଭାଇ  ଭଉଣୀର   ପବିତ୍ର ବନ୍ଧନ
ରହି  ଥାଉ    ଚିରଦିନ       |(12)

ନାମ-ଭୀଷ୍ମଦେବ  ମେହେର
ଗ୍ରାମ-ଖଇର ପାଲି
ଜିଲ୍ଲା-ବରଗଡ
ମୋ- 9178416579