* ରାକ୍ଷୀ *
ବରଷକୁ ଥରେ ଆସେ ଏଇ ପର୍ବ
ଭଉଣୀ ବାନ୍ଧଇ ରାକ୍ଷୀ ,
ସେଇ ରାକ୍ଷୀ ପାଇଁ
ସାରା ଜୀବନ ରେ
ରହେ ଭାଇ ତା'ର ସାକ୍ଷୀ।
ଭାବ ବନ୍ଧନର ଡୋର ଏଇ ପୁଣି
କାଳ କାଳକୁ ତ' ସାକ୍ଷୀ,
ବିପଦ ଆପଦେ ସାହା ହୁଏ ଭାଇ
ଭଉଣୀ ମାନ ପରଖି ।
ଭାରତ ବର୍ଷର ପବିତ୍ର ସଂସ୍କୃତି
ଡୋର ସେ' ପବିତ୍ର ଅତି ,
ସ୍ନେହ, ପ୍ରେମ ଭରା ପ୍ରୀତି ବନ୍ଧନର
ମହାନ ଅଟଇ ରୀତି ।
ଆରାଧ୍ୟ ଦେବତାବଳଦେବଙ୍କର
ଜନମେ ହୁଏ ପାଳିତ ,
ଭାଇ ଭଉଣୀଙ୍କ ଅନାବିଳ ସ୍ନେହେ
ଧରା ହୁଏ ଆନନ୍ଦିତ ।
କେତେ ଖିରି ପିଠା ଅନ୍ନ ଓ ତିଅଣ
ଭଳି ଭଳି ନବ ବସ୍ତ୍ର,
ଧୂପ' ଦୀପ,ଦୁବ ଅରୁଆ ଚାଉଳେ
ଗୁହ ହୁଏ ଯେ ପବିତ୍ର ।
ରାକ୍ଷୀ ସାକ୍ଷୀ ଥାଏ ଭଉଣୀ ମସ୍ତକେ
ଭାଇର ଅଭୟ ହସ୍ତ ,
ସାରା ଜୀବନର ସୁରକ୍ଷା ଦାୟିତ୍ୱ
ଥାଏ ଭାଇପରେ ନ୍ୟସ୍ତ ।
ଏ'ତ ସୂତା ନୁହେଁ ସୁରକ୍ଷା କବଚ
ବରଷେ ଭରସା ସାହା ,
ସପ୍ରେମେ ବାନ୍ଧଇ ଭାତୃ ହସ୍ତେ ଭଗ୍ନୀ
ବିପଦୁଁ ଦେଖାଏ ରାହା ।
ଗହ୍ମା ପୁନେଇଁ ରେ ରାକ୍ଷୀ ବାନ୍ଧିବା ଟା
ପୁରୁଣା ଏ ପରମ୍ପରା ,
କେତେ ପବିତ୍ର ଏ' ମମତାର ଡୋର
ଭାତୃ- ଭଗ୍ନୀ ସ୍ନେହ ଧାରା ।
ରାକ୍ଷୀ ହାତେ ବାନ୍ଧି ସୁଖ ମନାସଇ
ଭାତୃ ପଦେ ଭଗ୍ନୀ ବସି,
ଜଗତର ନାଥ ସାହା ହେଉଥାନ୍ତି
ଦ୍ୟନ୍ତି ଆଶିଷ ବରଷି ।
ବାର ମାସେ ତେର ପରବ ଆମର
ରକ୍ଷା ବନ୍ଧନଟି ସାର
ଭାଇ ସାଥେ ଭଗ୍ନୀ ଭାଗ୍ୟକୁ ଆଦରି
ଧନ୍ୟ ଏ ବନ୍ଧନ ଡୋର ।
ଗୋ' ମାତାଙ୍କ ପୂଜା ହୁଏ ଏଇ ଦିନେ
ହଳଧର, ଶେଷଦେବ
ଭକ୍ତଙ୍କୁ ଉଦ୍ଧାରି ତାରନ୍ତି ସେ ମହୀ
ଧରା ହୁଏ ଆମ ସ୍ୱର୍ଗ ।
ସାଧନା ପଣ୍ଡା , ଭୁବନେଶ୍ବର , ଖୋର୍ଦ୍ଧା
No comments:
Post a Comment