.....ସମ୍ପର୍କ.....
ସମ୍ପର୍କର ଗାଢ଼ କେତେଯେ ଗଭୀର
ମାପିବା ବହୁତ କଷ୍ଟ
କେବେକେବେ ସେଯେ ଟାଙ୍ଗରାଭୁଇଁର
ତାତିଲା ବାଲିର ପ୍ରସ୍ତ ।
କେବେ କେବେ ପୁଣି ନିର୍ଜନ ରାସ୍ତାର
ଏକାକି ବାଟୋଇ ସିଏ
କେବେ ପୁଣି ସାଜେ ନିଶାର୍ଦ୍ଧ ବନର
ଜ୍ୱଳନ୍ତ ମଶାଲ ଟିଏ ।
କେବେ ବୋହିଯାଏ ଚିରସ୍ରୋତା ହେଇ
କୁଳୁକୁଳୁ ନାଦ କରି
କେବେ ଅଟକଇ ମରୁଭୂମିଟିରେ
ଶୁଖିଲା ନଦୀ ଟେ ପରି ।
କେବେ ପିଲାଟିର ଖିଲି ଖିଲି ହସ
ଆନନ୍ଦ ପୁଲକେ ଭରା
କେବେ ସିଏ ସାଜେ ଅତୃପ୍ତ ଆତ୍ମାର
ଆଖିର ଲୁହ ଅସାରା ।
କେବେ ସେ ଗଢଇ ବାଲିଘର ଟିଏ
ମନ ସାଗର କୋଳରେ
କେବେ ତୋଳିଦିଏ ସୁନ୍ଦର ସୌଧଟେ
ହୃଦୟ ର ପାରାବାରେ ।
.....ରଶ୍ମିତା.....
......ହାଇଦ୍ରାବାଦ.....
No comments:
Post a Comment