[[[[[ ସମ୍ପର୍କ ]]]]]
କେ କହି ପାରିବ କୁହ ହେ ସୁଜନେ
ସମ୍ପର୍କ ର କିବା ଅର୍ଥ ,
କେତେବେଳେ ଜଣେ ଅଜଣା ମଣିଷ
ହୋଇଯାଏ ଆପଣାର ।।
ଜୀବନ ରଥର ଚକ ଏ ସମ୍ପର୍କ
ଜିଇଁବାର ଅଭିପ୍ରାୟ,
ସମ୍ପର୍କ ନଥିଲେ ମଣିଷ ସମାଜ
ହୋଇ ନଥାନ୍ତା ଉଦୟ । ।
ପ୍ରେମିକ ପ୍ରେମିକା ସମ୍ପର୍କ ନିଆରା
ଚୋରା ପିରତିରେ ବାସେ,
ଉଭୟ ତୁଣ୍ଡରେ ଗୋଟିଏ ହିଁ କଥା
ଭଲ ପାଏ ଭଲ ପାଏ ।।
ପବିତ୍ର ସମ୍ପର୍କ ଭାଇ ଭଉଣୀଙ୍କ
ଏ ଧରା ପୃଷ୍ଠରେ ନାହିଁ ,
ଭଉଣୀ ଦୁଃଖରେ ଭାଇ ନ କାନ୍ଦିବ
ଦେଖି ଅଛ କି ହେ କାହିଁ ?
ରାଗ ରୁଷା ପୁଣି ମାନ ଅଭିମାନ
ପ୍ରିତି ବନ୍ଧା ବନ୍ଧନରେ,
ଏହି ବନ୍ଧନକୁ ସମ୍ପର୍କ କୁହନ୍ତି
ଅଛି ଅର୍ଥ କିବା ଆନରେ ?
ସମ୍ପର୍କ ଜିଆଁଏ ସମ୍ପର୍କ ହିଁ ମାରେ
ବଡ଼ ଏ ବିଚିତ୍ର ସମ୍ପର୍କ,
କହିକି ପାରିବ କୁହ ତାତ ଭ୍ରାତ
ସମ୍ପର୍କର ଅନ୍ୟ ଅର୍ଥ ।।
ରୋହିତ୍ ମେହେର୍
ଠିକଣା - ସିଂହପାଲି, ବରଗଡ଼
ମୋବାଇଲ୍* - 9348323416
7608953083
No comments:
Post a Comment