:: ମୋ ଜନ୍ମ ଭୂମି ::
ଜନନୀ ର ସମ ଜନ୍ମଭୂମି ଆମ
ସ୍ନେହମୟୀ ପୂଜନୀୟା
ଗାଆଁ ରାଜ୍ୟ ଦେଶେ ଭିନ୍ନ ଭିନ୍ନ ବେଶେ
ଏକା ସେହି ମାଟି ମାଆ
ତାର ବନ ବିଲ ନଦ ନଦୀ ଜଳ
ତୋଷଇ ସକଳ ଜନ
ଯୋଗାଇଛି ପେସା ମେଣ୍ଟାଉଛି ତୃଷା
ଗଢିଅଛି ଏ ଜୀବନ
ସୂର୍ଯ୍ୟ ଚନ୍ଦ୍ର ତାରା ଶୀତ ବର୍ଷା ଖରା
କି ସୁନ୍ଦର ତାର ଆଭା
ଉତୁଙ୍ଗ ଶିଖର ମହୋଦଧି ତିର
ବଢ଼ାଉ ଥାନ୍ତି ଯା ଶୋଭା
ଦେଖିତା ଉନ୍ନତି ଉଲ୍ଲସିତ ମତି
କରିବାକୁ ତାର ସେବା
ଆସେ ଯେବେ ଅରି ପ୍ରତିହତ କରି
ପଣକରି ପ୍ରାଣ ଦେବା
ରହି ପ୍ରବାସରେ ମାନପକ୍ଷୀ ଝୁରେ
ଛୁଇଁବାକୁ ଜନ୍ମ ମାଟି
ଅନ୍ତିମ ଜୀବନ ହୋଇବ ଯେ ଧନ୍ୟ
ତାର କୋଳେ ଗଲେ ଲୋଟି।
ପ୍ରଦ୍ୟୁମ୍ନ ପଟ୍ଟନାୟକ
ଭୁବନେଶ୍ୱର
No comments:
Post a Comment