:: ବୃକ୍ଷ ମୋର ବନ୍ଧୁ ::
କାହିଁ କେଉଁ ଆଦିମ କାଳରୁ
ବୃକ୍ଷ ଆମ ସଭିଙ୍କ ସଂସ୍କୃତି
ବନ ଆମ ପ୍ରକୃତିର ଘର
ବୃକ୍ଷ ଆମ ଜୀବନର ଦ୍ୱାର ।
ବିଜ୍ଞାନର ଆଦରଣୀୟ ଭାଷା
ସଂସ୍କୃତିର ଅଟେ ପତିଭାଷା
ଜଗତର ରକ୍ଷା ପାଇଁ ପୋଷା
ବୃକ୍ଷ ରୋପଣ ହେଉ ଆମ ପେଶା ।
ସୃଷ୍ଟିର ଆରମ୍ଭରୁ ସୃଷ୍ଟି ତା'ର
ଜୀବନକୁ ଦିଏ ସେ ଆହାର
ଜଗତକୁ ଅମ୍ଳଜାନ ତା'ର
ଦେଇ ଜୀବନରୁ ଭୟ କରେ ଦୂର ।
ବୃକ୍ଷ ପାଇଁ ଜଗତ ବଞ୍ଚିଛି
ବୃକ୍ଷ ପାଇଁ ସର୍ଜନା ଚାଲିଛି
ଜନ୍ମରୁ ଯେ ମରଣ ପର୍ଯ୍ୟନ୍ତ
ବୃକ୍ଷ ଅଟେ ଆମରି ରକ୍ଷକ ।
ବୃକ୍ଷକୁ ଯିଏ ରକ୍ଷାକରେ
ବୃକ୍ଷ ମଧ୍ୟ ତାକୁ ରକ୍ଷାକରେ
ଜୀବନରେ କର ଏହି ଶିକ୍ଷା
ବୃକ୍ଷ ମୋର ବନ୍ଧୁ ହେଉ ଆମ ଦୀକ୍ଷା ।
ରଞ୍ଜନ କୁମାର ପଣ୍ଡା
ସଂସ୍କୃତ ଶିକ୍ଷକ
ସରକାରୀ ଉଚ୍ଚ ବିଦ୍ୟାଳୟ, ଗୁପ୍ତେଶ୍ଵର
କୋରାପୁଟ
🙏🏻🙏🏻🙏🏻
No comments:
Post a Comment