:: ବୃକ୍ଷ ମୋର ବନ୍ଧୁ ::
ବୃକ୍ଷ ହିଁ ଜୀବନ ଜୀବନ ହିଁ ବୃକ୍ଷ
ସଦା ମନେ ରଖିଥିବ
ଶିଶୁଟିଏ ଭାବି ଯତ୍ନ ସହକାରେ
ପାଳନ କରି ଚାଲିବ ।
ତୁମ ଋଣ ବନ୍ଧୁ ବୃକ୍ଷ ସୁଝିଦବ
ଦେଇ ତାର ଫୁଲ ଫଳ
କର୍ତ୍ତବ୍ୟ ଆମର କରୁଥିବା ସଦା
ପରିବେଶ ହେବ ନିରିମଳ ।
ଅଙ୍ଗରକାମ୍ଳକୁ ଗ୍ରହଣ କରି
ତ୍ୟାଗ କରି ଅମ୍ଳଜାନ
ଉପକାର ସଦା ମନେ ରଖୁଥିବ
କରିବନି ଅଭିମାନ ।
ମୃତ୍ତିକା ସଂରକ୍ଷଣ ପରିବେଶ ରକ୍ଷା
ବୃକ୍ଷ ହିଁ ତ କରିଥାଏ
ଅମୂଲ ମୂଲ ସେ ଆମ ପାଇଁ ଅଟେ
ଜାଳେଣି ଯୋଗାଇ ଥାଏ ।
ଜଳବାୟୁ ଆମ ନିୟନ୍ତ୍ରଣ ପାଇଁ
ବନୀକରଣ କରିବା
ଆଉ ସବୁ କଥା ପଛ କରିଦେଇ
ବୃକ୍ଷକୁ ଜୀବନ ଦେବା ।
ଛୋଟ ବଡ଼ ନାହିଁ ଗଛ କ୍ଷେତ୍ରରେ
ସବୁ ଅଟେ ଉପକାରୀ
ରୋଗ ବ୍ୟାଧି ସଦା ଦୂର କରିଦିଏ
ଦରକାରୀ ସେ ସବୁରି ।
ସଭିଏଁ ଆମେ ଏକତ୍ର ହୋଇ
ବୃକ୍ଷକୁ ଲଗାଇଦେବା
ପିଲାଟିଏକୁ ଗଛଟିଏ କହି
ସ୍ଲୋଗାନ ଦେଇ ବୁଲିବା ।
ପ୍ରିୟଦର୍ଶନୀ ମହାପାତ୍ର
ଶିକ୍ଷୟିତ୍ରୀ
ଓଡ଼ଗାଁ
ନୟାଗଡ
No comments:
Post a Comment