:: ମୋ' ଜନ୍ମଭୂମି ::
ଯେଉଁ ଗ୍ରାମେ ଥିଲା ଏନ୍ତୁଡ଼ିଶାଳ ମୋ'
ସେହି ମୋ'ର ଜନ୍ମସ୍ଥାନ,
ତା' କୋଳରେ ବଢ଼ି ସେ ପାଣି ପବନେ
ଗଢ଼ା ମୋର ଏ ଜୀବନ ।
ଏ ମହା ଜୀବନ ହେଉଛି ଉଛନ
ହୋଇ ଜ୍ଞାତ ପାପ-ପୁଣ୍ୟ,
ଉତ୍ତପ୍ତ ପ୍ରାଣ ମୋ' ହୁଏ ଜର୍ଜରିତ
ଜୀବନ ହେବ କି ଶୂନ୍ୟ !
ଚନ୍ଦନ ସିନ୍ଦୂର ନାହିଁ ଦରକାର
ପବିତ୍ର ପାଇଁ ମୋ' ମନ,
ମାତୃଭୂମି ଧୂଳି ମୋ' ଦେହରେ ଲେପି
ଶୀତଳ କରିବି ପ୍ରାଣ ।
ବନ୍ଦେ ଗ୍ରାମ-ଦେବୀ ବନ୍ଦେ ମୋ' ଉତ୍କଳ
ଭାରତ-ମାତା ବନ୍ଦନ,
ପୁଣ୍ୟ-ପବିତ୍ର'ର ଭୂମିରେ ଜନମି
ଅଟେ ଅମୃତ ସନ୍ତାନ ।
ଶମ୍ଭୁନାଥ ଦାସ (ମୁଖ୍ୟ ସମ୍ପାଦକ : ଅଭିଯାନ)
ସମ୍ଭ୍ରାନ୍ତ ଓଡ଼ିଆ ସାହିତ୍ୟ ପତ୍ରିକା / ୧୨/୧,
ମୟୂରଭଞ୍ଜ ରୋଡ଼, କୋଲକାତା - ୭୦୦୦୨୩
No comments:
Post a Comment