:: ମୋ ଜନ୍ମଭୂମି ::
ମୁକୁଟ ଯାହାର ହିମାଳୟ ଗିରିବର
ଯା'ର ଚରଣ ଧୋଉଛି ହିନ୍ଦୁ ସାଗର
ସେଇ ଦେଶ ମୋ ଜନ୍ମ ଭୂମି
ପଶ୍ଚିମେ ଆରବ ପୂର୍ବରେ ବଙ୍ଗୋପ
ବଢାଉଛନ୍ତି ତାର ଶୋଭାବନୀ
ସେଇ ଦେଶ ମୋ ଜନ୍ମ ଭୂମି ।
ଭାରତ ଦେଶର ଓଡିଶା ରାଜ୍ୟରେ
ବରଗଡ ଜିଲ୍ଲା ପଦ୍ମପୁରରେ
ସେଇ ମାଟି ମୋ ଜନ୍ମ ଭୂମି
ଜନମ ଦେଇଛି ପାଳନ କରୁଛି
ଖଇରପାଲି ଗାଁ ମାଟି
ଏଇ ଭୂଇଁ ମୋ ଜନ୍ମ ମାଟି ।
ଯେଉଁ ଦେଶେ ବହେ ଗଙ୍ଗା ଗୋଦାବରୀ
ଯମୁନା ସରସ୍ବତୀ ସିନ୍ଧୁ କାବେରୀ
ସେଇ ଦେଶ ମୋ ଜନ୍ମ ଭୂମି
ପବିତ୍ର ଏ ମାଟି ପବିତ୍ର ଏ ଦେଶ
ପବିତ୍ର ଭାରତ ଭୂମି
ଏଇ ଭାରତ ମୋ ଜନ୍ମ ଭୂମି ।
ଯେଉଁ ଦେଶରେ ବହୁଛି ଗଙ୍ଗା
ଯେଉଁ ଦେଶରେ ଉଡୁଛି ତ୍ରିରଙ୍ଗା
ସେଇ ଦେଶ ମୋ ଜନ୍ମ ମାଟି
ଗାଉଥିବି ମୁହିଁ ଏ ଦେଶ ପାଇଁ
ଏ ଦେଶର ଜୟ ଗୀତି
ଏଇ ଦେଶ ମୋ ଜନ୍ମ ମାଟି ।
ମହାନ୍ ଏଥିର ସଂସ୍କୃତି ପରମ୍ପରା
ରଥଯାତ୍ରା ନୂଆଁଖାଇ ରଜ ଦଶହରା
ଏଇ ଦେଶ ମୋ ଜନ୍ମ ଭୂମି
ଏ ରାଇଜେ ଜନମ ହୋଇଣ
ପାଲଇ କେତେ ପର୍ବ ପର୍ବାଣି
ଏଇ ଦେଶ ମୋ ଜନ୍ମ ଭୂମି ।
ଯେଉଁ ଦେଶରେ ଜନମିଲେ ଭଗବାନ
ରାମ ପରଶୁରାମ ଶ୍ରୀ କୃଷ୍ଣଙ୍କୁ ଜାଣ
ସେଇ ଦେଶ ମୋ ଜନ୍ମ ଭୂମି
ଦେଇ ଯାଇଛନ୍ତି ଏ ବିଶ୍ବକୁ
ସତ୍ୟ ନ୍ୟାୟ ଧର୍ମର ବାଣୀ
ଏଇ ଦେଶ ମୋ ଜନ୍ମ ଭୂମି ।
ଯେଉଁ ଦେଶରେ ଥିଲେ ମହାମୁନିଷ
ବ୍ୟାସ ବାଳମିକି ମହାକବି କାଳିଦାସ
ସେଇ ଦେଶ ମୋ ଜନ୍ମ ଭୂମି
ସେମାନେ ଲେଖିଲେ ଏ ଦେଶ ପାଇଁ
ଅନେକ ପୁରାଣ ଶାସ୍ତ୍ର ବାଣୀ
ଏଇ ଦେଶ ମୋ ଜନ୍ମ ଭୂମି ।
ଏ ଦେଶରେ ଅଛି ବେଦ ଉପନିଷଦ
ରାମାୟଣ ମହାଭାରତ ଆଦି ଗ୍ରନ୍ଥ
ଏଇ ଦେଶ ମୋ ଜନ୍ମ ଭୂମି
ଏ ଦେଶ ଜଣାଏ ବିଶ୍ବକୁ ଶୁଣାଏ
ପବିତ୍ର ଗ୍ରନ୍ଥ ଗୀତା ବାଣୀ
ଏଇ ଦେଶ ମୋ ଜନ୍ମ ଭୂମି ।
ଥିଲେ ଏଦେଶରେ କେତେ ମହାପୁରୁଷ
ମହାତ୍ମା ଗାନ୍ଧୀ ନେତାଜୀ ସୁବାଷ
ସେଇ ଦେଶ ମୋ ଜନ୍ମ ଭୂମି
ଏଇ ଦେଶକୁ କଲେ ସ୍ବାଧୀନ
ଦେଇଣ ସତ୍ୟ ଅହିଂସା ବାଣୀ
ଏଇ ଦେଶ ମୋ ଜନ୍ମ ଭୂମି ।
ଏଇ ଦେଶେ ଅଛି ଅନେକ ଧର୍ମ ଭାଷା
ଭିନ୍ନ ଭିନ୍ନ ସଂସ୍କୃତି ପୁଣି ବେଶଭୂଷା
ଏଇ ଦେଶ ମୋ ଜନ୍ମ ଭୂମି
ଏ ଦେଶ କହେ ଏଦେଶ ଶୁଣାଏ
ଭିନ୍ନତା ମଧ୍ୟେ ଏକତା ର ବାଣୀ
ଏଇ ଦେଶ ମୋ ଜନ୍ମ ଭୂମି ।
କେତେ ପୂଣ୍ୟ ବଳେ ଏଥି ଜନମିଛି
ଭାରତେ ଜନ୍ମି ନିଜକୁ ଧନ୍ଯ ମଣୁଛି
ଏଇ ଦେଶ ମୋ ଜନ୍ମ ଭୂମି
ଏ ଦେଶର କରୁଥିବି ସେବା
ବାଧାବିଘ୍ନକୁ ତିଳେ ନ ମାନି
ଏଇ ଦେଶ ମୋ ଜନ୍ମ ଭୂମି ।
ଜନମଭୂମି ଠାରୁ ନାହିଁ କେହି ବଡ
ଜନନୀ ଜନ୍ମ ଭୂମି ସରଗଠୁ ବଡ
ଏଇ ଦେଶ ମୋ ଜନ୍ମ ଭୂମି
ଏଇଠି ଜୀଇଁବି ଏଇଠି ମରିବି
ମୋ ଦେଶକୁ ଛାଡିଯିବିନି
ଏଇ ଦେଶ ମୋ ଜନ୍ମ ଭୂମି ।
ଓଡିଶା ରାଇଜ ବରଗଡ଼ ଜିଲ୍ଲା
ଖଇରପାଲି ମୋ ଗ୍ରାମ
ଭୂଗୋଳରେ ପଛେ ନଥାଏ ତାର ନାଁ
ଏଇ ଗାଁ ରେ ମୋ ଜନମ ।
ଓଡିଶା ରାଇଜ ସବୁଠି ପ୍ରସିଦ୍ଧ
ବିଶ୍ବରେ ନାଆଁ ରଖିଛି
ତାହାରି ଭୂମିରେ ଜନମ ହୋଇ ମୁଁ
ନିଜକୁ ଧନ୍ଯ ମଣୁଛି
ଯେଉଁଠି ଅଛନ୍ତି କାଳିଆ ଠାକୁର
ଓଡିଆ ମଉଡମଣି
ସେଇ ରାଇଜରେ ଜନମ ମୋହର
ଏଇତ ମୋ ଜନ୍ମ ଭୂମି ।
ଶୁଣାଇଛି ଦିନେ ଏଇ ମାଟି ମୋର
କଳିଙ୍ଗ ଯୁଦ୍ଧର ବାଣୀ
ଚଣ୍ଡାଶୋକ ଏଥି ଧର୍ମାଶୋକ ହେଲେ
ଏଇତ ମୋ ଜନ୍ମ ଭୂମି ।
କେଡେଯେ ସୁନ୍ଦର ଲାଗୁଥାଏ ମତେ
ମୋ ଓଡିଶୀ ଚମ୍ପୁ ଛାନ୍ଦ
ବଡ ଦେଉଳରେ ଜଗନ୍ନାଥ ପାଶେ
ବାଜଇ ଗୀତ ଗୋବିନ୍ଦ ।
ମୋ ଜନ୍ମଭୂମିର କଳା କୀର୍ତ୍ତି ଦେଖି
ବିଶ୍ବ ହୁଅଇ ଚକିତ
ଏହାର ପ୍ରମାଣ କୋଣାର୍କ ମନ୍ଦିର
ହୋଇଛି ବିଶ୍ବ ବିଖ୍ୟାତ ।
ବକ୍ସି ଜଗବନ୍ଧୁ ଜୟୀ ରାଜଗୁରୁ
ନେତାଜୀ ଉତ୍କଳମଣୀ
ଓଡିଶା ସ୍ବାଧୀନ ପାଇଁକି ଲଢିଲେ
ଏଇତ ମୋ ଜନ୍ମ ଭୂମି ।
ଏ ମାଟିରେ ଜନ୍ମି ପଠଣୀ ସାମନ୍ତ
ଥିଲେ ଦିନେ ତାରା ଗଣି
ମଧୁବାବୁ ନାମେ ଡରୁଥିଲେ ଗୋରା
ଏଇତ ମୋ ଜନ୍ମ ଭୂମି ।
ସାରଳା ଉପେନ୍ଦ୍ର ପଞ୍ଚସଖା ଆଦି
ଏଇ ମାଟିରେ ଜନମି
ଓଡିଆ ଭାଷାକୁ ବଞ୍ଚାଇ ରଖିଲେ
ଏଇତ ମୋ ଜନ୍ମ ଭୂମି ।
କୁଆଁର ପୂନେଇଁ ରଜ ନୂଆଁଖାଇ
ରଥଯାତ୍ରା ହୋଲି ପୁଣି
ବାରମାସେ ତେର ପରବ ଯେଉଁଠି
ଏଇତ ମୋ ଜନ୍ମ ଭୂମି ।
ଜନ୍ମ ଭୂମି ମାଟି ମୋ ପାଇଁ ଚନ୍ଦନ
ଏଥିରୁ କିଏ ବା ବଡ
ଏଇ ମୋ ଜନନୀ ଜନ୍ମଭୂମି ପୁଣି
ଅଟେ ସରଗଠୁ ବଡ ।
ଯେଉଁ ଭୂମି ପରେ ଜନମି ଖେଳିଛି
ଯେଉଠି ବଢୁଛି ପୁଣି
ସେଇଠି ଜୀଇବି ସେଇଠି ମରିବି
ସେହି ତ ମୋ ଜନ୍ମ ଭୂମି ।
ବେଦବ୍ଯାସ ମେହେର
ଗ୍ରାମ:- ଖଇରପାଲି
ଥାନା:-ପଦ୍ମପୁର, ଜିଲ୍ଲା:- ବରଗଡ଼
ମୋ:-9938339029
No comments:
Post a Comment