ବୃକ୍ଷ ମୋର ବନ୍ଧୁ - ପ୍ରଶାନ୍ତ କୁମାର ସାହୁ , ଗଞ୍ଜାମ

- ( ବୃକ୍ଷ ମୋର ବନ୍ଧୁ )

ବୃକ୍ଷ ଅଟଇ          ଆମରି ବନ୍ଧୁ
          ଆମେ ତାହାରି ସାଥୀ,
ଆମୂଳ ଚୂଳ          ଅଙ୍ଗ ପ୍ରତ୍ୟଙ୍ଗ
           ସାହାର୍ଯ୍ୟ କରେ ନିତି l l

ଆଶା ବଢାଇ        ଜୀବନ ଯାକ
         ବଢୁଛି ସବୁ ଗଛ,
ଫଳ ଫୁଲକୁ         ଯୋଗାଇ ଥାଏ
         ଭରି ଦିଏ ଯେ ହସ l l

ଅନେକ ଗଛ        ମିଳିତ ହୋଇ
         ଗଢା ହୁଅଇ ବଣ,
ଗଛ ବଢିଲେ        ବଞ୍ଚିବ ଲୋକ
          ବିଶ୍ବରେ ଜୀବ ଗଣ l l

ଚେରରେ ତା'ର     ଜାବୁଡ଼ି ଧରେ
           ମାଟିର ସବୁ କଣ,
ବଜାୟ ରଖେ         ଜଳ ପତ୍ତନ,
           ମୃତ୍ତିକା ସଂରକ୍ଷଣ l l

ଅଙ୍ଗାର-କାମ୍ଳ          କମାଇ ଦିଏ
           ଅମ୍ଳଜାନ ବଢାଇ,
ଦେହର ଛାଇ         ତାହର ଦିଏ
           ବାଟୋଈକୁ ବଞ୍ଚାଇ l l

ଡାଳ ପତର           ଖାଦ୍ୟ ହୁଅଇ
            ଶାକାହାରୀଙ୍କ ପାଇଁ,
ଗଣ୍ଡି ଯେ ତା'ର        କାମରେ ଲାଗେ
            ଚୌକି ଟେବୁଲ୍ ହୋଇ l l

ଶୁଖିଲା ପତ୍ରେ         ବଢଇ ଖତ
            ଜମି ହୁଏ ଉର୍ବର,
ପଶୁପକ୍ଷୀ ଯେ          ବୁଲି ଚଳନ୍ତି
             ତା'ଦେହେ ନିରନ୍ତର l l

ପ୍ରଶାନ୍ତ କୁମାର ସାହୁ 
ପାଟପୁର, ସାନଖେମୁଣ୍ଡି, ଗଞ୍ଜାମ 
ଫୋନ୍ - ୭୭୩୫୧୦୩୬୯୭ 
_________________________________