:: ବୃକ୍ଷ ମୋର ବନ୍ଧୁ ::
ତା'ର ଛାଇତଳେ ବହିନେଇ ମୁଁ ନିତି ପଢେ।
ଆଜି ବି ସେ ମନେପଡେ।
ପିଲାଟି ବେଳେ ଖେଳୁଥିଲି ମୁହିଁ ତା'ରିତଳେ।
କେତେ ନାନାପ୍ରକାର ଖେଳ।
ବଡ ହେଲେ ବିତ ମନେ ଆଜି ପଡେ।
ସେଇ ମୋର ପିଲାବେଳ।
ପ୍ରକୃତରେ ଆମ ଦୁଃଖ ଓ ସୁଖର ସାଥି ସିଏ।
ବୃକ୍ଷ ମୋର ବନ୍ଧୁଟିଏ।
କେତେ ଦେଖିଛି ସେ ଯାନିଯାତ୍ରା ,ବାହାଘର।
ପୁଣି ପୁରୁବପୁରୁଷ ଆମର।
ସେ ତ ଆନନ୍ଦ ମନରେ ପ୍ରତି ଦିବସରେ।
ସେ ଆମପାଇଁ ଖଟୁଥାଏ।
ଫଳ,ଫୁଲ,କାଠ ହସିହସି ଅଜାଡି ଦିଏ।
ଅମ୍ଳଜାନ ପୁଣି ଦିଏ।
ପ୍ରକୃତରେ ଆମ ଦୁଃଖ ଓ ସୁଖର ସାଥିଟିଏ।
ବୃକ୍ଷ ମୋର ବନ୍ଧୁଟିଏ।
ଯେତେ ଦୂରେ ଥାଏଁ AC ଘରରେ ବି ମୁହିଁ।
ତା' ପବନ ଝୁରୁ ଥାଏ ।
ଏନ୍ତୁଡି ଶାଳରୁ ଠାରୁ ମଶାଣୀର ଯୁଇ ଯାଏଁ।
କାଠ ସେ ଯୋଗାଇ ଦିଏ।
ଝଡ ପବନକୁ ଖାତିରି ନକରି ସେ'ନିତି ଲଢୁଥାଏ।
ଜୀବନର ପଥପ୍ରଦର୍ଶକ ସିଏ।
ପ୍ରକୃତରେ ଆମ ଦୁଃଖ ଓ ସୁଖର ସାଥିଟିଏ।
ବୃକ୍ଷ ମୋର ବନ୍ଧୁଟିଏ।
ଆଶୁତୋଷ ମିଶ୍ର
ପାଟଳିପଙ୍କ,କେନ୍ଦ୍ରାପଡା
୬୦୦୬୨୭୫୭୨୫
No comments:
Post a Comment