_________ଜନ୍ମଭୂମୀ_________
ଜଗତେ ଜନମ ଭୂଇଁ ମରତରେ
ଶ୍ରେଷ୍ଠ ଉପଜୀବ୍ୟ ରସ
କଲ୍ୟାଣ କାରିଣୀ ଦୁଃଖ ନିବାରଣୀ
ପ୍ରୀତି ପୂର୍ଣ୍ଣ ଭାବ ବସ--୧
ତାହାରି କୋଳରେ କେତେନଦନଦୀ
ଗିରିଜନ ମାଳା ଭୂଇଁ
ସରାଗ ହୃଦୟେ ଖେଳେ ସଦାରାୟେ
ପ୍ରବାହତ ଧାରା ଧାଇଁ--୨
ଗ୍ରୀଷ୍ମର ତାଡନା ବର୍ଷା ସବୁଜିମା
ଶାରଦୀୟ ଶୋଭା ହୋଇ
ବସନ୍ତ ମାଦକ ଭୁବନ ମୋହିନୀ
ଆକର୍ଷିତ ଗୀତି ଗାଇ--୩
ସୁଷମା ବିଶେଷ ଲାସ୍ୟମୟୀ ଶେଷ
ଉତ୍କଳ ଜନମ ଭୂଇଁ
କଳାରେ ଧୂରିଣ ରାଗିଣୀ ଚାରଣ
ବିଶ୍ଵ ପ୍ରୀତି ଭାବ ବହି--୪
ବାରମାସେ ତେର ପରବ ବଖାଣି
ଜଗନ୍ନାଥ ଶ୍ରେଷ୍ଠ ହୁଏ
ସାରା ଜଗତରେ ଭାତୃ ପ୍ରୀତି ଭାବ
ଉତ୍କଳ ଶିଖାଇ ଥାଏ--୫
କୋଣାରକ ଗାଥା ଅପରୂପ ଚିନ୍ତା
ଚିଲିକା ଅଂଶୁପା ହ୍ରଦ
ସର୍ବ ଭାଷାଭାଷୀ ହୋଇ ଆଦିବାସୀ
ସାରା ରାଇଜର ହୃଦ--୬
ଉତ୍କଳର ଭାଷା ପୁସ୍ତକ ଗାରୀମା
ମାଆ ପଖାଳର ପ୍ରୀତି
କୃଷକ ହୋଇଛି ଜଗତର ଜହ୍ନ
ଜନ୍ମ ଭୂମୀର ଏ ଗୀତି--୭
କୂଳବୃଦ୍ଧ ଜ୍ଞାନେ ଜାତିପ୍ରୀତି ଦାନେ
ଶିଖାଇଲେ ମଣୀ ମନ୍ତ୍ର
ସାରଳା ସାହିତ୍ୟ ହେଲା କୃତ୍ୟକୃତ୍ୟ
ଭୀମ ହେଲେ ଶିଦ୍ଧତନ୍ତ୍ର--୮
ଇତିହାସ ପୃଷ୍ଠେ ଅନେକ ଗାରିମା
ଜନ୍ମଭୂମୀ ପ୍ରୀତି ପାଇଁ
ଯୁଗ ଯୁଗ ପାଇଁ ପ୍ରୀତି ପୁଷ୍ପାଞ୍ଜଳି
ତାର ଚରଣକୁ ଛୁଇଁ--୯
ମାଆର ଚରଣ ବନ୍ଦନୀୟ ସଦା
ଭୁଲି ହେବନାହିଁ ପ୍ରୀତି
ଯୁଗ ପ୍ରହଲ୍ଲାଦେ ଆନନ୍ଦର ଭେଦେ
ବିଶ୍ଵପ୍ରୀତିଧାର ଗୀତି--୧୦
************†***********
ଅଶୋକ କୁମାର ପତି
ଖଙ୍କିରା, ଢେଙ୍କାନାଳ
୭୫୯୦୧୬
No comments:
Post a Comment