:::: ଦେଶପ୍ରେମୀ :::
* ଜୟ ହିନ୍ଦ୍ ହିନ୍ଦୁସ୍ଥାନ *
ବୀର ବେଶେ ମୋତେ ସଜାଇ ଦିଅ ମା'
ଯିବି ଆଜି ମୁଁ ସୀମାନ୍ତ,
ଯୁଦ୍ଧ କରି ରକ୍ଷା କରିବି ଦେଶକୁ
ତୋ' ମନ କରିବି ଶାନ୍ତ ।
ବୀର- ପ୍ରସବିନୀ ଜନନୀ ପରା ତୁ
କରନାହିଁ ମନ ଦୁଃଖ,
ଅମର ସହିଦ ରକ୍ତ ମୋ' ଲଲାଟେ
ତିଳକ କରିଛି ଦେଖ !
ଚାଇନା ସୈନିକ ମାରି ଘଉଡ଼ାଇ
ଭାଙ୍ଗିବି ତା' ଅହଂକାର,
ଯେଉଁ ଅ°ଶ ତୋ'ର କରିଛି ଦଖଲ
ଝିଙ୍କି ଆଣିବି ଏଥର ।
ଶହେ ବର୍ଗ କିଲୋ- ମିଟର ମୋ' ଭୂମି
କରିଅଛି ଅକ୍ତିଆର,
ସେ ଭୂମିକୁ ନିଶ୍ଚେ ଆଣିବି ଛଡ଼େଇ
ବଜ୍ର ଶପଥ ଯେ' ମୋର ।
ଚାଇନା କମ୍ପାନୀ ଯେତେକ ପଦାର୍ଥ
ଆଜି'ଠୁ ସବୁ ବର୍ଜନ,
ଆମରି ଅର୍ଥ'ରେ ଶକ୍ତି ଦେଖାଉଛି
ନାଶିବି ତା' ଖଳ-ଖୁଣ ।
ଆସ ଭ୍ରାତା ଭଗ୍ନୀ ସଭିଁଏ କରିବା
ମାତୃଭୂମି ଜୟଗାନ,
ଭାରତମାତା'ର ଜୟ ମନ୍ତ୍ର-ଧ୍ଵନି
ଜୟ ହିନ୍ଦ୍ ହିନ୍ଦୁସ୍ଥାନ ।
ଶମ୍ଭୁନାଥ ଦାସ (ମୁଖ୍ୟ ସ°ପାଦକ : ଅଭିଯାନ)
ସମ୍ଭ୍ରାନ୍ତ ଓଡ଼ିଆ ସାହିତ୍ୟ ପତ୍ରିକା / କୋଲକାତା
No comments:
Post a Comment