----- ରାକ୍ଷୀ ------
ବାରମାସେ ତେର ପର୍ବ ମଧ୍ୟେ
ରାକ୍ଷୀ ପରବଟି ସାର,
ଭାଇ ଭଉଣୀର ପବିତ୍ର ବନ୍ଧନ
ଜଗତରେ ସାର ।
ଭାରତବର୍ଷେ ପୁରାଣ କାଳୁ
ଚଳି ଆସୁଅଛି ଏହି,
ଭାଇ ହାତେ ନିଜ ରକ୍ଷାକବଚ
ବାନ୍ଧୁଅଛି ଭଗିନୀ ।
ପୁରାଣରେ ବର୍ଣ୍ଣିତ ବଳଦେବ
ଜନ୍ମ ଦିନ ଏ ଅଟେ,
ଶ୍ରାବଣ ପୂର୍ଣ୍ଣମୀ ତିଥି ଏ ପୁଣି
ଝୁଲଣ ଯାତ ଘଟେ ।
ପୁରାଣେ ବର୍ଣ୍ଣିତ କୃଷ୍ଣା କୃଷ୍ଣଙ୍କୁ
ବାନ୍ଧିଲେ ଚିରି ପାଟ,
ପ୍ରତିଦାନରେ କୁରୁସଭାରେ ଲଜ୍ଜା
ନିବାରିଲେ କୃଷ୍ଣ ।
ରାଣୀ କର୍ମାବତୀ ପଠାଇଲେ ରାକ୍ଷୀ
ହୁମାୟୁନ ପାଶେ ,
କଥା ସେ ଦେଲେ ଭଗ୍ନୀ ରାଜ୍ୟରକ୍ଷା
ପାଇଁ ଅକୁଣ୍ଠ ଚିତ୍ତେ ।
ପୁରାଣ ବର୍ଣ୍ଣିତ-ମହତ ଏବେ
ହେଲାଣି ଆଖି ଠାର,
ଲୋକ ଦେଖାଣିଆ ରକ୍ଷା-ବନ୍ଧନ
ଲୋଭ,ମୋହ ଆସର ।
ଧର୍ମ ଭାଇ ବଢି ବଢି ଯା'ନ୍ତି
ନାମକୁ ମାତ୍ର ସମ୍ପର୍କ,
ଉପହାର ଆଶେ ରାକ୍ଷୀ ବନ୍ଧା
ନୁହେଁ ପବିତ୍ର ସମ୍ପର୍କ ।
ପରିବେଶ ପରିବର୍ତ୍ତନରେ ମନେ
ଶଙ୍କା ଜାତ ହୁଏ,
ଶିକ୍ଷିତ ସମାଜ ହୋଇ ସୁଦ୍ଧା
ପୁତ୍ର ସନ୍ତାନ ହିଁ ଲୋଡ଼େ ।
କନ୍ୟା ଭୃଣ ହତ୍ୟାକରି ଜନ-ଭାର୍ଯ୍ୟା,
ଭଗ୍ନୀ, ମାତା ଖୋଜେ ,
କନ୍ୟା ଲୋଡା ନାହିଁ,ଆସିବ କାହୁଁ
ଭଗ୍ନୀ-ତାହା ନ ହେଜେ ।
ବେଳା ଆସିବ ନ ଥିବ ଭଗ୍ନୀ ବାନ୍ଧି-
ବାକୁ ଏ ରକ୍ଷା ଡୋରି,
ବେଳହୁଁ ସାବଧାନେ ସର୍ବେ ହେଜ
କନ୍ୟା ଲୋଡା ସବୁରି ।
ଭେଦଭାବ ଭୁଲି,ଏ ଭାଇ -ଭଗ୍ନୀ
ସମ୍ପର୍କ ପର୍ବ ହେଉ,
ଯୁଗେ ଯୁଗେ ରହିଅଛି ଏହି
ପର୍ବର ସମ୍ମାନ ରହୁ ।
କ୍ଷୀରେଶ୍ୱରୀ କିଷାନ
କୁମ୍ଭାର ଡିହି
ବଣେଇ ଗଡ଼
ସୁନ୍ଦରଗଡ଼
No comments:
Post a Comment