ରାକ୍ଷୀ - ସୌମ୍ୟ ରଞ୍ଜନ ସାହୁ , ଢେଙ୍କାନାଳ

        -------- ରାକ୍ଷୀ --------

ଭାଇ ଭଉଣୀର ପବିତ୍ର ସମ୍ପର୍କେ 

ଜୀଵନ କାହାଣୀ ଲେଖା 

ପ୍ରତୀକ ଟେ ହୋଇ ଏ ରକ୍ଷା ବନ୍ଧନ 

ଆସେ ସବୁବର୍ଷ ପରା l1l

ରାକ୍ଷୀ ନୁହେଁ ସେତ ସେନେହର ଡୋରି 

ମାନ ସନମାନେ ଭରା 

ପବିତ୍ର ସମ୍ପର୍କ ଦୁଇ ହୃଦୟର 

କରୁଥାଏ ସଦା ବ୍ୟାଖ୍ୟା l2l

ଭଉଣୀର ରକ୍ଷା ଓ ତାର ସୁରକ୍ଷା 

ଭାଇର ମୁଖ୍ୟ କର୍ତ୍ତବ୍ୟ 

କ୍ଷମାର ସାଗର ହୋଇ ଭୂଲ ତାର 

କରିବାକୁ କ୍ଷମା ହେବ l3l

ଭଉଣୀ କରଇ ସଦେବ ପ୍ରାର୍ଥନା 

ଲମ୍ବା ଆୟୁ ପାଉ ଭାଇ 

ତା ଜୀଵନ ପଥ ହେଉ କୁସୁମିତ 

ପବିତ୍ର କାହାଣୀ ଗାଇ l4l

ସବୁ ବନ୍ଧନରୁ  କରିବ ସେ ମୁକ୍ତ 

ସଂକଳ୍ପ ନିଅଇ ଭାଇ 

ଜୀବନକୁ ବାଜି ଲଗାଇ ସେ ଦେବ 

ତାସୁନା ଭଉଣୀ ପାଇଁ  l5l

ଭଉଣୀ ତ ଆଜି ନୁହେଁ ସୁରକ୍ଷିତ 

ଜାଗ ହେ ସବୁରି ଭାଇ 

ଭୂଲି ନିଜ ପର କର ପ୍ରତିରୋଧ 

ଦେଖିଲେ କଷଣ ତାଇ l6l

ରକ୍ଷା ବନ୍ଧନ ତ ନୁହଇଁ ଏବେର 

ପୁରାଣ ରେ ଅଛି ଲେଖା 

ଶ୍ରୀକୃଷ୍ଣ ହାତରେ ପାଞ୍ଚାଳୀର ରାକ୍ଷୀ 

ପାଉଥିଲା ପରା ଶୋଭା l7l

ଭାଇ ହୋଇ କୃଷ୍ଣ ରଖିଥିଲେ ମାନ 

କୌରବର ସଭା ତଳେ 

କୋଟି ବସ୍ତ୍ର ଦେଇ ନିବାରିଲେ ଲଜ୍ୟା 

ନ କରି ବିଳମ୍ବ ତିଳେ l8l

ସୁରକ୍ଷିତ ନୁହେଁ  ଆଜି ଯେ ଭଉଣୀ 

ବାହାରେ ଗଲେ ଏକଲା 

ଜାଣିନି ପିଶାଚ ବସିଛି କେଉଁଠି 

କରିବାକୁ ଯେ ହମଲା l9l

ଆଜିର ଦିନରେ କରଯେ ପ୍ରତିଜ୍ଞା

ଭଉଣୀ ସୁରକ୍ଷା ଦେବ 

ଭାଇ ହୋଇ ତାର ରକ୍ଷା ବନ୍ଧନର 

ରଖିବ ମାନ ମହତ  l10l

(ସୌମ୍ୟ ରଞ୍ଜନ ସାହୁ , ଖଣ୍ଡବନ୍ଧ, ଢେଙ୍କାନାଳ)