*"" ରାକ୍ଷୀ ****
ରାକ୍ଷୀ ନୁହେଁ ସୁତାଟିଏ
ପ୍ରେମର ବନ୍ଧନ ଇଏ
ଭଉଣୀର ଶ୍ରଦ୍ଧାଟିଏ
ବାନ୍ଧେ ରାକ୍ଷୀ ଭାଇ ହାତେ
ଭାଇ ଦିଅ କଥା
କାହା ଆଗେ କେବେ ନୁହେଁ
ନଇଁବନି ଭଉଣୀର ମଥା ।
ଭଉଣୀର ପ୍ରେମ ପାଇ
ବାନ୍ଧେ ରାକ୍ଷୀ ହାତେ ଭାଇ
କଥା ଦିଅ ଦେବ ରକ୍ଷା
ଆସୁ ଯେତେ ଝଡ଼ ବାତ୍ୟା
ଦେଉଥିବ ସଦା ସେ ସୁରକ୍ଷା ।
ଭାଇର ଦୁଃଖକୁ ଦେଖି
ଭଉଣୀର ବିଚଳିତ ହୁଏ ମନ
ଭାଇର ମଙ୍ଗଳ ପାଇଁ
ଡାକେ ରକ୍ଷା କର ଭଗବାନ
ବରଷକେ ଥରେ ଶ୍ରାବଣର ଶେଷେ
ପୂର୍ଣ୍ଣମୀର ଏହି ଦିନ
ବାନ୍ଧେ ଭାଇ ହାତେ
ସମ୍ପର୍କର ସେତୁଟିଏ
ରକ୍ଷା କରିବାକୁ ତାର
ମାନ ଓ ସମ୍ମାନ ।
ଯେତେ ଦୁରେ ଥିଲେ ଭାଇ
ଭଉଣୀର ଦୁଃଖ ସହିପାରେନାହିଁ
ଭଉଣୀର ଖୁସି ପାଇଁ
ନିଜ ଜୀବନକୁ ଦେବା ପାଇଁ
କେବେ ସିଏ ପଛଘୁଞ୍ଚା ଦିଏନାହିଁ ।
ଭାଇଭଉଣୀର ପ୍ରେମ
ନୁହେଁ କିଛି ତାର ସମ
ସବୁ କିଛି ଫିକା ପଡ଼େ
ଲାଗେ ସତେ ଧୂସର
କାହିଁକି ନା ଇଏ ସମ୍ପର୍କଟା
ଦିନେ ନୁହେଁ ଜନ୍ମଜନ୍ମାନ୍ତର ।
ଅଭୟ କୁଣ୍ଡ
ନିମାପଡା ପୁରୀ
ସହକାରୀ ଶିକ୍ଷକ
ମହିଷାପାଟ ଆଶ୍ରମ ବିଦ୍ୟାଳୟ
ଢେଙ୍କାନାଳ
No comments:
Post a Comment