----- ରାକ୍ଷୀ -----
ସ୍ନେହର ପ୍ରତୀକ ରାକ୍ଷୀଟିକୁ ନେଇ
ବାନ୍ଧିଦେଲି ଭାଇ ହାତେ
ରାକ୍ଷୀ ବାନ୍ଧିଦେଲି ରହିଲା ମୋ ରାଣ
ଭୁଲିଯିବୁ ନାହିଁ ମୋତେ।
କେଡେ ସରାଗରେ ବାନ୍ଡିଲି ମୁଁ ରାକ୍ଷୀ
ମୋଭାଇ ହାତରେ ନେଇ
ସୂତା ଖଣ୍ତେ ବୋଲି ଭାବିବୁନି କେବେ
ମମତାର ଡୋର ଏଇ।
ମାଗୁନାହିଁ ତୋତେ ସରଗର ଚାନ୍ଦ
ହୀରା,ନୀଳା,ଧନରତ୍ନ
କିଛି ଲୋଡା ନାହିଁ ମୋର ଏ ଜୀବନେ
ନେଉଥିଲେ ମୋର ଯତ୍ନ।
ରାକ୍ଷୀ ବାନ୍ଧିଦେଲି ରଖିବୁ ମୋମାନ
କରିବୁନି ହତାଦର
ତୋର ଆଶୀର୍ବାଦ ମୋ ସାଥିରେ ଥିଲେ
ନଥିବ କାହାକୁ ଡର।
========<<<<<<<===
ସୁରଥ କୁମାର ରାଉତ
ବନ୍ଧୁପୁର,ସମିତଙ୍ଗା,କଟକ
No comments:
Post a Comment