:: ମୋ ଜନ୍ମଭୂମି ::
ସବୁଠୁ ସୁନ୍ଦର ଅତି ମନୋହର
ଏଇ ମୋର ମାଟି ମା
ଭିନ୍ନ ଏକ ରୂପ ଭିନ୍ନ ଏକ ଯଶ
ନୟାଗଡ଼େ ଓଡ଼ଗାଁ ।
ସୁନ୍ଦର ତା ପାଣିପବନ
ଶସ୍ଯ ଶ୍ୟାମଳା ଭୂମି
ପ୍ରଭୁ ରଘୁନାଥ ବିରାଜ କରିଲେ
ଏ ମାଟିରେ ପୁଣି ।
ପ୍ରଭୁ ରଘୁନାଥ ଅନୁଜ ଲକ୍ଷ୍ମଣ
ସଙ୍ଗରେ ସୀତା ମାତା
ମୋ ଗ୍ରାମ ମନ୍ଦିରେ ପୂଜା ପାଉଛନ୍ତି
ଅଟନ୍ତି ଯେ ସୁଶୋଭିତା ।
କେତେ ସ୍ୱାଧୀନତା ସଂଗ୍ରାମୀ ଗଣ
ଏ ମାଟିରେ ଜନ୍ମିଥିଲେ
ଉପେନ୍ଦ୍ରଭଞ୍ଜ ଯେ ସାଧନା କରିଣ
କାଳଜୟୀ ହୋଇଗଲେ ।
ମୋ ଜନ୍ମଭୂମିର ଭିନ୍ନ କଳେବର
ଲେଖିବାକୁ ନାହିଁ ଭାଷା
ଯଦି ମୁଁ ପାରିବି କିଞ୍ଚିତ ହେଲେ ବି
ପୂରଣ କରିବି ଆଶା ।
ଶିକ୍ଷା ସଂସ୍କୃତିରେ ସବୁଠୁ ଆଗୁଆ
ଏଇ ମୋର ମାଟି ମାଆ
ଭୁଲିନାହିଁ କେବେ ନ ଭୁଲିବି ମନୁ
ତାହାର କୋମଳ ଛୁଆଁ ।
--------///--------
ପ୍ରିୟଦର୍ଶନୀ ମହାପାତ୍ର
ଶିକ୍ଷୟିତ୍ରୀ
ନୟାଗଡ଼
No comments:
Post a Comment