ମୋ ଜନ୍ମଭୂମି (ମୋ ଗାଁ ଜନ୍ମଭୂମି)*
.…….......…....…..............
ଗାଁ ଟିଏ ପରି ମାଆ ଟିଏ
ମିଳିବ କି ଆଉ ସ୍ବପନେ
ରକତ ନିଗାଡି ବକ୍ଷ ଚିରି
ଆହାର ଦେଇଛି ଜୀବନେ ।
ତାର ମୁଗ୍ଧ ଜଙ୍ଗଲି ଶୋଭା
ନୈସର୍ଗିକ ଭାବ ସମ୍ପଦ
ଅନେକ ଭାବ ହୃଦୟେ ଭରି
ବଞ୍ଚିବାର ରାହାସ ତୋଳେ
ମମତାର ଵୋକ ଦେଇ
ସେ ମୋ ଗାଆଁ ମୋ ଜନମ ଭୂଇଁ ।
ଝରଣା ନାଦ ନାଉରୀ ଗୀତ
ମନଛୁଆଁ ବଳି କୃଷକ ଚିତ୍ତ
ହମ୍ବାରଡି ଛେଳିର ମେଂ
ଅମୃତ ଗୋ ଜୀବନ ପାଇଁ
ସେ ମୋ ଗାଆଁ ମୋ ଜନମ ଭୂଇଁ ।
ଓହଳ ଦୋଳି ଡାଳି ମାଙ୍କୁଡ଼ି
ଅପାସୋରା ସେ ଆଈ କାହାଣୀ
ଅମୁଲ ମୂଲ ସ୍ମୃତିର ପାଇଁ
ସେ ମୋ ଗାଆଁ ମୋ ଜନମ ଭୂଇଁ ।
ମାଳତୀ ମାଆର ଏଣ୍ଡୁରି ପିଠା
ସାତଘଡିର ଦିବ୍ୟ ଅମୃତ ଘଣ୍ଟା
ଜୀବନେ କେ ଭୁଲିବ ଭାଇ
ସେ ମୋ ଗାଆଁ ମୋ ଜନମ ଭୂଇଁ ।
ବୋହୂ ଚୋରି ଆଉ ବାଗୁଡି ଖେଳ
ଦାଣ୍ଡିଆ ଲୁଚାଖୋଜା ଯେ ଖେଳ
ଏ ଶରୀର ପୁଷ୍ଟ ଗ୍ରାମଦାଣ୍ଡ ଭାଇ
ସେ ମୋ ଗାଆଁ ମୋ ଜନମ ଭୂଇଁ ।
କହିଲେ ଯେତେ ସରିବ ନାହିଁ
ମାଆଠୁ ବଳି ମମତା ନାହିଁ
ଧନ୍ୟହୋଇଛି ମୁଁ ଯାହାପାଇଁ
ସେ ମୋ ଗାଆଁ ମୋ ଜନମ ଭୂଇଁ ।
----------------------------------------
🖊️🖊️🖊️📖📖🖊️🖊️🖊️
*ତାମର ଦିନବନ୍ଧୁ / ଗଞ୍ଜାମ*
No comments:
Post a Comment