" ବୃକ୍ଷ ମୋର ବନ୍ଧୁ "
ବୃକ୍ଷ ବନ୍ଧୁ ବୋଲି କହିବାକୁ ମୁହିଁ
କୁଣ୍ଠାବୋଧ କରୁନାହିଁ
ବନ୍ଧୁ ସେ ବୋଲାଇ ବିପଦ ସମୟେ
ପାଖରେ ଯେ' ଥାଏ ରହି ।
ଅନାଦି କାଳରୁ ବୃକ୍ଷକୁ ବନ୍ଧୁର
ସ୍ଥlନ ହୋଇଅଛି ପ୍ରାପ୍ତ
ମୋ ପୂର୍ବ ପୁରୁଷ ରୋପଣ କରିଲେ
ଏବେ ବୃକ୍ଷ ବଂଶ ଲୁପ୍ତ ।
କଳ କାରଖାନା ସୌଧ ଗଢା ହୁଏ
ଅରଣ୍ୟକୁ କରି ଧ୍ବସଂ
ବଢି ବଢି ଯାଏ ଅଙ୍ଗାରକାମଳ
ପ୍ରାଣୀ ବଂଶ ହେବ ନାଶ ।
ଅମ୍ଳଜାନ ବୃକ୍ଷ ଦେଉଛି ଆମକୁ
ଅଙ୍ଗାରକାମ୍ଳ ଶୋଷି ନିଏ
ପ୍ରାଣୀଙ୍କ ଜୀବନ ଅମ୍ଳଜାନ ପରା
ପ୍ରଶ୍ବାସ କ୍ରିୟାଟି ସିଏ ।
ଭୋକିଲା ପେଟକୁ ଆହାର ଦେଉଛି
ରୋଗୀକୁ ଦେଉଛି ପଥି
ମୁଣ୍ଡ ପରେ ଛାତ ରୋଷେଇର ଜାଳ
ବାଟୋଇର ପ୍ରିୟ ସାଥୀ ।
ମାଟି ସଂରକ୍ଷଣ ବୃକ୍ଷ ଯୋଗୁଁ ହୁଏ
ମୌସୁମୀ ବରଷା ହୁଏ
ବୃକ୍ଷ ନାହିଁ ବୋଲି ତାପମାତ୍ରା ବୃଦ୍ଧି
ଅଦିନରେ ବନ୍ୟା ହୁଏ ।
ନିଦାଘ ସମୟେ ବାଟୋଇର ସାଥୀ
ବିହଙ୍ଗର ବାସସ୍ଥାନ
କିଚିରି ମିଚିରି ସବଦେ କମ୍ପଇ
ଆନନ୍ଦିତ ପ୍ରାଣୀ ମନ ।
ଆପଣାର ବନ୍ଧୁ ଭାଇ ସହଦୋର
ଏତେ ସାହାର୍ଯ୍ୟ କି' କରେ
ପ୍ରତିଟି ବୃକ୍ଷରେ ଔଷଧୀୟ ଗୁଣ
ଅଛି ଚରକ ବିଦ୍ୟାରେ ।
ମିଳିମିଶି ଆସ ଏକ ହୋଇ ଆମେ
ବୃକ୍ଷ ଚାରା ଲଗାଇବା
ବୃକ୍ଷ ପରି ବନ୍ଧୁ ଜଗତରେ ନାହିଁ
ତାର ଗୁଣ ଗାଉଥିବା ।
ଅନା ବନା ଯେତେ ଅନାବାଦୀ ଜମି
ଧରା ପୃଷ୍ଠ ପରେ ଅଛି
ସବୁଠାରେ ଆମେ ବୃକ୍ଷ ଲଗାଇବା
ବୃକ୍ଷ ବନ୍ଧୁ ମୁ କହୁଛି ।
ହରିହର ଭୂକ୍ତା , ତାଳଚେର,ଅନୁଗୋଳ
ଦୂରାଭାଷନଂ-୮୯୧୭୬୩୬୪୨୨
No comments:
Post a Comment