ଜନ୍ମଭୂମି- ସୁଦଣ୍ଡ ପ୍ରସାଦ ନନ୍ଦ , ବଲାଙ୍ଗୀର

   ମୋ ଜନ୍ମଭୂମି
***************************
ମୋ ଜନ୍ମଭୂମି ଏକ ଛୋଟ ଗାଁ ଟିଏ 
ସହର ନା ନଗର ଗାଉଁଲି ସିଏ l
ନ ଥାଉ ମାନଚିତ୍ରେ ପଛେ ତା ନାଁଟି 
କୋଶଳ ରାଜ୍ୟର ସୁନାମୁଡା ଟି l
ଚାରିଆଡେ ତାର ଦିଶେ ଶୋଭାବନ
ନଈ ନାଳ ପାହାଡ଼ ପର୍ବତ ବନ l
ନିଭାଇଛି ଅଙ୍ଗେ ଫିରିଙ୍ଗି ଶାସନ 
ଜମିଦାରୀ ସଙ୍ଗେ ଗୌନ୍ତିଆ ଶୋଷଣ l
ଦଶ ମାସ ଦଶ ଦିନ ଗର୍ଭେ ଧରି 
ଜନମ ଦେଇଛି ମତେ ଛାତି ଚିରି l
କୁଆଁ କୁଆଁ ରାବେ ମାଁ ବୋଲି ଡାକିଛି 
ମୋ ପାଇଁ ଜୀବନ ଉତ୍ସର୍ଗ କରିଛି l
ମାଟି ବାଲି ତାରି କୋଳେ ଖେଳିଅଛି 
ସୁଖ ଦୁଃଖ ସବୁକିଛି ସହିଅଛି l
ପଦ ଟିଏ କେବେବି ନ ଦେଇ ଗାଳି 
ସ୍ନେହ ଶ୍ରଦ୍ଧା ଓ ପ୍ରେମ ଦେଇଛି ଢାଳି l
ସରଗଠୁ ସୁନ୍ଦର ସତେ ଗାଁ ଭୂଇଁ 
ଦେଇଛି ଧାରା ଶେଷେ ବଞ୍ଚିବା ପାଇଁ l
ମୋ ଶେଷ ଇଛାଟି ପୁରା କରିଦେବୁ 
ମଲା ବେଳେ ମତେ ତୁ କୋଳେଇ ନେବୁ l
*****************************
ସୁଦଣ୍ଡ ପ୍ରସାଦ ନନ୍ଦ 
କେଉଁଟିପାଲି, ଯୋଗିସର୍ଡା 
ଲୋଇସିଂହା, ବଲାଙ୍ଗୀର 
767020, ଓଡିଶା