*** ରାକ୍ଷୀ ****
ସିନ୍ଦୁରକୁ ଚନ୍ଦନ ମମତାର ବନ୍ଧନ
ଭାଇ ସାଙ୍ଗେ ଭଉଣୀର ସେନେହର ମିଳନ l
ରେଶମୀର ସୁତାଟିଆ ମମତାରେ ଗୁନ୍ଥା
ଭାଇ ଭଉଣୀ ସମ୍ପର୍କ ଅଭୁଲା ସେ ଗାଥା l
ଦ୍ୱାପର ଯୁଗରେ କୃଷ୍ଣାଙ୍କୁ ରକ୍ଷା କଲେ ଭଗବାନ
କୋଟି ବସ୍ତ୍ର ଦେଇ ରଖିଲେ ଭଉଣୀ ସନମାନ l
ଭାଇ ସହେ ଭଉଣୀର ମାନ ଅଭିମାନ
ଏମିତିକା ଅଟେ ସତେ ଏ ପବିତ୍ର ବନ୍ଧନ l
ରକ୍ଷା ବନ୍ଧନ ସେ ସେନେହର ସ୍ପନ୍ଦନ
ଭାଇ ଭଉଣୀ ସମ୍ପର୍କର ଅତୁଟ ଏ ବନ୍ଧନ l
ସେନେହର ଶରଧାର ସରାଗର ଅଲିଭା ଏ ସତ
ଭାଇ ଅଟେ ଭଉଣୀର ର ସୁରକ୍ଷା କବଚ l
ଭଉଣୀ ଦେହରେ ଆଘାତ ଲାଗିଲେ
ଭାଇ ଆଖି ହୁଅଇ ଓଦା
ଚଉରା ମୂଳରେ ସଞ୍ଜବତୀ ଜାଳି
ଭାଇର ସୁଖ ମାଗୁଥାଇ ସଦା l
ଭଉଣୀଟି ଚାନ୍ଦ, ତାରା ଭାଇ ଆଖିର ଜ୍ୟୋତି
ସବୁକିଛି ତୁଚ୍ଛ ଲାଗେ ଭାଇ ତା ଅମୂଲ୍ୟ ସମ୍ପତ୍ତି l
ସେନେହ ଶିକୁଳିରେ ବନ୍ଧା ଦୁଇଟି ଜୀବନ
ଜଣେ ଆତ୍ମା ହେଲେ ଆଉ ଜଣେ ପ୍ରାଣ l
ମା ପାଖେ କରେ ଅଳି, ଭାଇ ପାଇଁ ଶୁଣେ ଗାଳି
ଭାରୀ ମିଠା ଲାଗେ ତାଙ୍କ ମିଠା କଳି l
ଏମିତି ସମ୍ପର୍କ ଲେଖିଛି ବିହି
ତୁଳନା ଯାହାର କାହା ସହିତ ନାହିଁ l
ନ ଲାଗୁ ଏ ସମ୍ପର୍କକୁ ଆଉ କାହା ନଜର
ଯୁଗେ ଯୁଗେ ରହିଥାଉ ଏ ମମତାର ବନ୍ଧନ l
ତୁମ ଶ୍ରୀ ଚରଣେ କରେ ମୁଁ ପ୍ରଣିପାତ
ମୋ ଭାଇର ଚଲାପଥ ହେଉ କୁସୁମିତ l
ଆଦ୍ୟାଶା ନନ୍ଦ
ଭୁବନେଶ୍ୱର
ଖୋର୍ଦ୍ଧା
No comments:
Post a Comment