କୃଷକ - ସୌମ୍ୟ ରଞ୍ଜନ ସାହୁ , ଢେଙ୍କାନାଳ

🌹🌹  " କୃଷକ"🌹🌹

କାହାଣୀ କେ ଲେଖେ କଲମ ମୁନରେ  

କାଗଜ ଖଣ୍ଡିଏ ଧରି 

କୃଷକ ଭାଇ ମୋ ଲେଖୁଛି କାହାଣୀ 

ଲଙ୍ଗଳ ମୁନରେ ଯାଇ l1l

ମାଟି କାଗଜରେ ଲେଖୁଛି କାହାଣୀ 

ଲଙ୍ଗଳ କଲମ ଧରି 

ସେଇ କାହାଣୀର ପ୍ରତି ପୃଷ୍ଠା ଭିଜା 

ଲହୁ ଲୁହ ତାର ମିଶି l2l

ସପନ ବୁଣଇ ଆଶା ମଞ୍ଜି ନେଇ 

ନିୟତି କୁ ରଖି ସାକ୍ଷୀ 

ଜାଣେନା ସେ ସ୍ବପ୍ନ ସତ ଅବା ମିଛ 

ରହିଛି ଯା କୁ  ଅନାଇ l3l

ହେଉ ଖରା ବର୍ଷା ଶୀତ କି କାକର 

କାଳ ବୈଶାଖୀର ଝାଞ୍ଜି 

କୃଷକ ଭାଇ ମୋ କରେ ଚାଷ କାମ 

ତାକୁ ନ କରି ଖାତିରି l4l

ଘନ ଘନ କର୍ଷେ  ଅବନୀ ର ବକ୍ଷ 

ସୁନା ଫଳାଇବା ପାଇଁ 

ତା ସୁନା ଫସଲେ ଏ ଦୁନିଆ ବନ୍ଧା 

ଜୀଵନ ଧାରିବା ପାଇଁ l5l

ଜୀବନଟା ତାର ଅଭାବରେ ପୂର୍ଣ୍ଣ 

ହସୁଥାଏ ଦୁଃଖ ଢାଙ୍କି 

ବୁଭୁକ୍ଷୁ ଜ୍ୱାଳା ରେ ସ୍ୱଆହୂତି ଦେଇ 

ଅନ୍ୟକୁ ରଖେ ବଞ୍ଚାଇ l6l

ଘରେ ତାର ଚାଲେ ଆଣ୍ଠୁଏ ଲହଡି 

ଚାଳ ଯାଇଅଛି ଉଡି 

ତଥାପି ସେ କରେ ପ୍ରାର୍ଥନା ନିଈତି 

ବର୍ଷା ପାଇଁ ଅଣ୍ଟା ଭିଡି l7l

ନିଦାଘର ଗ୍ରୀଷ୍ମ, ଶ୍ରାବଣର ବାରି 

ହେଉ ହାଡ଼ଭଙ୍ଗା ଶୀତ 

ଜୀଵନଟା ତାର ଯାଏ କଟି କ୍ଷେତେ 

ସେ

ପୁଅ ମାଆ ମାଟିର l8l

ଗୁହାରି ମୋହର ଆହେ ଜଗନ୍ନାଥ 

ମନ ଦେଇ ଟିକେ ଶୁଣ 

ତାର ଅଭିଳାଷ କର ପରିପୂର୍ଣ 

ନେଇ ମୋର ଏ ଆୟୁଷ l9l

କୃଷକ ଭାଇ ମୋ ଚାଷ କାମ କରି 

ଦୁନିଆ କୁ ଦିଏ ଅନ୍ନ 

ଷାଠିଏ ପଉଟି ଭୋଗରେ କାଳିଆ 

ତାର ବଡ଼ ଯୋଗଦାନ l10l

ମାଟିର ମହକ ଦୁନିଆରେ ଶ୍ରେଷ୍ଠ 

ତାପରି ନାହିଁ କେ ବାସ 

ସେ ବାସ କୁ ଯିଏ ବୁଝିଥାଏ ନିଶ୍ଚେ 

ସିଏ ହିଁ ଜଣେ  କୃଷକ l11l

(ସୌମ୍ୟ ରଞ୍ଜନ ସାହୁ, ଖଣ୍ଡବନ୍ଧ, ଢେଙ୍କାନାଳ )