
🤝ସଂପର୍କ🤝
✍️ରାଜଗୁରୁ ସିଅ
ସଂପର୍କ କାହା ପାଇଁ ତର୍କ ସେ ତ ପୁଣି ଆଉ କାହା ପାଇଁ ବିତର୍କ ;
କାହାକୁ କରେ ସତର୍କ ପୁଣି କାହା ପାଇଁ ସାଜେ ରକ୍ଷକ ||
ଜୀବନ ଛକରେ ହଜାରେ ଲୋକ କେହି ତ ନୁହଁ କାହାରି ;
ଦୁନିଆ ରଂଗମଂଚରେ ଅନେକ ନାଟକ କିଛି ବି ନୁହଁ ଏକାପରି ||
ସମୟ ଖେଳୁଛି ଏଠି ଛକି ଶୂନର ଖେଳ ;
ସଭିଏଁ ବାହୁଡ଼ିବେ ନିଜନିଜର ଅଭିନୟ ସାରିପୂରିଲେ ବେଳ ||
ବୁଝାବଣା ଅଭାବରୁ ମଣିଷ ହୁଏ ଏଠି କେତେ ଯେ ହିନସ୍ତା ;
ଆପଣାର ମଣିଷ ଏଠି ପର ହୋଇଯାଏ ବଦଳି ଯାଏ ରାସ୍ତା. ||
ସଂପର୍କର ରଜ୍ଜୁରୁ ଯେବେ ଫିଟିଯାଏ ଗଣ୍ଠି ;
ସମୟର କାଳଚକ୍ରରେ ସଭିଏଁ ହୋଇଯାଆନ୍ତି ଘାଣ୍ଟି. ||
ସଂପର୍କର ମାନେ ଏଠି କିଛି ନୁହଁ ସବୁକିଛି ସ୍ୱାର୍ଥରଖେଳ ;
ସଂପର୍କ ହଜୁଛି ଏ ମିଛ ସଂସାରେ ଚାଲୁଛି ଛଳନାର ଖେଳ ||
କ୍ଷଣିକ ସୁଖରେ ଭୁଲି ଯାଉଛନ୍ତି ସଂପର୍କର ମୂଲ୍ୟବୋଧକୁ ;
ମାନବିକତାକୁ ହେୟ କରି ଆଦରି ନେଉଛନ୍ତି ମିଛ ସ୍ୱାର୍ଥକୁ ||
ସମୁଦ୍ର କୂଳରେ ସାମୁକା ଖୋଜୁ ଖୋଜୁ ମୁକ୍ତାକୁ ଗଲି ପାଇ ;
ଏ ଭବ ସଂସାରେ କେତେ ଯେ ଖୋଜିଲି ନିଃସ୍ୱାର୍ଥ ସଂପର୍କ ପାଇଲି ନାହିଁ || ✨🙏✨
✍️ରାଜଗୁରୁ ସିଅ
🌀ବାଲେଶ୍ୱର.
📲7978535007
No comments:
Post a Comment