କାର୍ଗିଲ୍ ବିଜୟ ଦିବସ - ଡଃ ପଦ୍ମଲୋଚନ ରାଉତ , ମାଲକାନଗିରି

      :: କାର୍ଗିଲ  ବିଜୟ ଦିବସ :: 

କାନ୍ଦେ ମା' ମାଟି କାନ୍ଦୁଚି ଭାରତ 

    ଜନତା ଆଖିରେ ଲୁହ 

ଜାଗ୍ରତ ପ୍ରହରୀ ସୀମାନ୍ତେ ସଇନ 

   ପ୍ରାଣେ ଉଠେ ତାର କୋହ l  1

ଦେଶ ପାଇଁ ବୀର ହାରୁଛି ଜୀବନ 

    ମନେ ନାହିଁ ତାର ଭୟ 

ଶତ୍ରୁ ସଇନ   ରଣ ହୁଙ୍କାରେ 

    ଲଭି ନାହିଁ ପରାଜୟ  l  2

ଶତ ସିଂହର ପରାକ୍ରମେ ତାର 

    ବଇରୀ ଯାଇଛି ଡରି 

ଦୁର୍ଦ୍ଦଶ ବୀର ମାଟିର ଗୌରବ 

    ବଜାଇଛି ରଣ ତୂରୀ  l  3

ହାତରେ ତାହାର ବନ୍ଧୁକ କମାଣ

    ମୁଣ୍ଡରେ ବିଜୟ ଟୀକା 

ବିଚଳିତ ନୁହେଁ ଶତ୍ରୁ ଶୋଣିତେ 

   ମନେ ନାହିଁ ତାର ଦକା  l  4

ଭାରତ ମାତାର ବୀର ସନ୍ତାନ 

   ଗରବେ କରିଛି ପଣ 

ତା ପାଇଁ ଉଡୁଛି ତୀରଙ୍ଗା ପତାକା 

    ରଖି ଜାତି ସ୍ୱାଭିମାନ  l  5

ହସି ହସି ବୀର ହାରିଛି ଜୀବନ 

    ବଇରୀ ଯାଇଛି ଫେରି 

କିଏ ସେ କହିଲା ଦୁର୍ଦ୍ଦଶ ବୀର 

      ରଣେ ଯାଇଅଛି ମରି  ?  6

ରଣ କରି ବୀର ଜନନୀ କୋଳରେ 

     ଶାନ୍ତିରେ ଯାଇଛି ଶୋଇ 

ଦେଶ ପ୍ରେମ ଦୀପ ଜଳାଇ ସକଳେ 

     ଲଭି ଅଛି ମୃତ୍ୟୁଞ୍ଜୟୀ  l  7

ଶହୀଦ ମରେନି ତାର ମୃତ୍ୟୁ ନାହିଁ 

   ଅମର ତାହାର ଗାଥା 

ଦେଶର ସୁରକ୍ଷା ଲାଗି ପ୍ରାଣ ଦାନେ 

   (ତା)ପଦେ ନଇଁ ଯାଏ ମଥା l 8

 ଶହୀଦର ଲହୁ   ବିଜୟ ସିନ୍ଦୂର 

    କୋଟି ହୃଦୟର ଭାଷା 

ଶତ୍ରୁ ସଇନ ରଣ ଦୁନ୍ଦୁଭି 

   ଗତି ମୁକତିର ଆଶା  l  9

ଚିର ବନ୍ଦନୀୟ ଅମର ଶହୀଦ 

    ଉଡୁଛି ତୀରଙ୍ଗା ଧ୍ୱଜା 

ହିମାଳୟ ଠାରୁ କୁମାରୀକା ଯାଏ 

   ରାଷ୍ଟ୍ର କରେ ତାର ପୂଜା  l 10

                  **

ଡଃ ପଦ୍ମଲୋଚନ ରାଉତ 

     ଇଂରାଜୀ ଅଧ୍ୟାପକ, 

ଗୋପବନ୍ଧୁ ଡିଗ୍ରୀ କଲେଜ 

କାଲିମେଳା, ମାଲକାନଗିରି  l