ରାକ୍ଷୀ - ସୌମ୍ୟାଶ୍ରୀ ନାୟକ , ନବରଙ୍ଗପୁର

||ରାକ୍ଷୀ||

ବଦଳିଛି ଆଜି ପବିତ୍ର ବନ୍ଧନ,

ରକ୍ଷକ ସାଜିଛି ଭକ୍ଷକ,

ସମାଜର କେତେ କୁତ୍ସିତ ଘଟଣା,

ଦେଉଛି ଯାତନା ଅନେକ |

ସ୍ଵାର୍ଥଲୋଭେ ଅବିବେକୀ ମନୁଷ୍ୟ ସେ,

କରୁଛି କନ୍ୟାଭୃଣହତ୍ୟା,

ନାରୀ ଅସମ୍ମାନ ମୁଣ୍ଡ ଟେକିଅଛି,

ଲିଭୁଛି ମନୁ ପବିତ୍ର ବାର୍ତ୍ତା |

ବଦଳିଲା ଆଜି ପୂଣ୍ୟର ବନ୍ଧନ,

ସ୍ନେହର ସମ୍ପର୍କ ହେଲା ବିକ୍ରି,

ଧନ ସରିଗଲେ ପ୍ରୀତି ସରିଗଲା,

ରାକ୍ଷୀ ବାନ୍ଧି ନେଲେ ଆଦରି |

ଭଗିନୀ ସୁରକ୍ଷା ଭ୍ରାତାର ହସ୍ତରେ,

ଏକଥା ଜାଣେ ଏ ସଂସାର,

ରାକ୍ଷୀର ବନ୍ଧନ ନବୁଝି ଆଜି,

ବଢିଚାଲେ ନାରୀ ଅତ୍ୟାଚାର |

ସଂସ୍କାର ଆଜି ଉଭେଇ ଯାଉଛି,

ନଇଁଯାଏ ଆଜି ନାରୀ ମଥା,

ରକ୍ଷାବନ୍ଧନର ପରିଭାଷା ଆଜି,

କହିଯାଏ ପୁଣି କେତେ କଥା |

ସର୍ବୋଚ୍ଚ ଉପରେ ରାକ୍ଷୀର ବନ୍ଧନ,

ରକ୍ଷାକରେ ଭ୍ରାତା ଦେଇ ତା' ଜୀବନ,

ଭ୍ରାତାଙ୍କର ଟିକେମାତ୍ର ଆଶୀର୍ବାଦ,

ଭାଗିନୀର ଅଟେ ଅମୂଲ୍ୟ ସମ୍ପଦ |

କରଯୋଡି ଆଜି କରେ ନିବେଦନ,

ରକ୍ଷାକର ଏହି ପବିତ୍ର ବନ୍ଧନ,

ଦୂରେଇଲେ ଯଦି କୁସଂସ୍କାର ସବୁ,

ସୁରକ୍ଷିତ ହେବ ନାରୀଙ୍କର ମାନ |

ନାମ:- ସୌମ୍ୟାଶ୍ରୀ ନାୟକ

ପାପଡାହାଣ୍ଡି,ନବରଙ୍ଗପୁର